زگریب، 3 جولائی (ہ س)۔ عالمی شطرنج چیمپئن ڈی گوکیش نے جمعرات کو یہاں زگریب گرینڈ شطرنج ٹور کے دوسرے دن پوائنٹس ٹیبل میں مشترکہ دوسرے مقام پر چھلانگ لگانے کے لیے نیدرلینڈز کے گرینڈ ماسٹر انیس گری کو شکست دی۔ اس کے ساتھ ہی فرانس کے گرینڈ ماسٹر علیرضا فیروزجا شاندار کھیلوں کے ساتھ ٹاپ پوزیشن پر برقرار ہیں۔

فیروزجانے تین پوائنٹس کی برتری حاصل کرنے کے لیے 12 میں سے 10 پوائنٹس حاصل کیے ہیں۔ ان کے بعد ونسنٹ کیمر (جرمنی)، میکسیم واچیئر-لاگراو (فرانس)، بوگدن-ڈینیئل ڈیاک (رومانیہ) اور ڈی گوکیش سات سات پوائنٹس کے ساتھ مشترکہ طور پر دوسرے نمبر پر ہیں۔

ان کے بعد ہندوستان کے آر پرگیانند، انیش گری اور ازبکستان کے نودربیک عبدوستوروف ساڑھے چھ پوائنٹس کے ساتھ دوسرے نمبر پر ہیں۔ اس کے ساتھ ہی کروشیا کے ایوان ساریچ اور نیدرلینڈز کے جورڈن وان فورسٹ دو دو پوائنٹس کے ساتھ سب سے نیچے ہیں۔

گری کے خلاف گوکیش کی شاندار کارکردگی۔

سفید مہروں کے ساتھ کھیلتے ہوئے، گوکیش نے روئے لوپیز ایکسچینج ویری ایشن میں شروع سے ہی انیش گری کو دباو¿ میں ڈال دیا۔ گری جلد ہی اپنی تیاریوں سے باہرہوگئے، جس کے بعد گوکیش نے ان کے راجہ پر مسلسل حملہ کیا۔

ہندوستانی کھلاڑی نے ایکسچینج جیتنے کے بعد کوئی غلطی نہیں کی اور شاندار انداز میں مقابلہ جیت لیا۔

پرگیانانند کی قسمت اس کے حق میں نہیں تھی

دوسرے ہندوستانی کھلاڑی آر پرگیانانند کا دن ملا جلا رہا۔ انہوں نے ابتدائی طور پر جارڈن وان فورسٹ کو شکست دی، لیکن پھر نودربیک عبدوستوروف اور علیرضا فیروزجا کے خلاف شکست کا سامنا کرنا پڑا۔

فیروزجاکے خلاف مقابلے میں پرگیانانند ڈرا پوزیشن پر پہنچ گئے تھے، لیکن اینڈ گیم میں انہوں نے ایک بڑی غلطی کی، جس کا فائدہاٹھاتے ہوئے فیروزجانے جیت حاصل کرلی۔

پہلے ہار، پھر شاندار واپسی

گوکیش نے دن کا آغاز رومانیہ کے بوگدن-ڈینیئل ڈیاک کے خلاف غیر متوقع شکست کے ساتھ کیا، لیکن پھر جارڈن وان فورسٹ اور انیش گری پر جیت کے ساتھ واپسی کی۔

ریپڈ کلاس کے اب تین راونڈ باقی ہیں۔ اگرچہ فیروزجا اس وقت خطاب کے لیے سب سے آگے ہیں، لیکن اس کے بعد ہونے والے 18 بلٹز میچ ٹورنامنٹ کے حتمی فاتح کا فیصلہ کریں گے۔

---------------

ہندوستان سماچار / عبدالسلام صدیقی