نوئیڈا، 28 جولائی (ہ س): نوئیڈا کے سائبر کرائم تھانے میں ایک شخص نے رپورٹ درج کرائی ہے کہ نامعلوم سائبر مجرموں نے اس کے بینک کھاتے سے 8 لاکھ 13 ہزار روپے نکال لیے۔ پولیس نے مقدمہ درج کرکے معاملے کی تحقیقات شروع کر دی ہیں۔

سائبر کرائم کی ڈپٹی کمشنر آف پولیس (ڈی سی پی) شیویا گوئل نے منگل کو بتایا کہ گریٹر نوئیڈا ویسٹ کی ایک سوسائٹی میں رہنے والے ابھیشیک سنگھ نے گزشتہ رات تھانے میں شکایت درج کرائی۔ شکایت کے مطابق نامعلوم سائبر مجرموں نے بینک آف بڑودہ میں موجود ان کے کھاتے سے غیر مجاز طور پر 8 لاکھ 13 ہزار روپے نکال لیے۔

متاثرہ شخص کے مطابق، جیسے ہی انہیں رقم نکلنے کی اطلاع ملی، انہوں نے فوری طور پر اپنا بینک کھاتہ منجمد کروا دیا۔

ڈی سی پی سائبر کرائم نے بتایا کہ واقعے کا مقدمہ درج کر لیا گیا ہے اور پولیس معاملے کی ہر پہلو سے تحقیقات کر رہی ہے۔

ہندوستھان سماچار

---------------

ہندوستان سماچار / عبدالواحد