دہرادون، 26 جولائی (ہ س)۔

دہرادون ٹی20 لیگ 2026 کے لیے آفیشل پلیئر سلیکشن ٹرائلز، جسے اتراکھنڈ کرکٹ ایسوسی ایشن (سی اے یو) نے منظور کیا ہے، دہرادون کے نتھو والا کے کمتی لال شرما کرکٹ گراو¿نڈ میں اختتام پذیر ہوا۔ پلیئر ڈرافٹ کے لیے کل 650 کھلاڑیوں نے رجسٹریشن کروائی جن میں سے 350 سے زائد نے ٹرائلز میں حصہ لیا اور بہترین ٹیلنٹ اور ایتھلیٹک مہارت کا مظاہرہ کیا۔

دہرادون ٹی20 لیگ 2026 2 سے 9 ستمبر تک دہرادون کی ابھیمنیو کرکٹ اکیڈمی میں منعقد ہوگی۔ ٹورنامنٹ میں کل 18 میچ کھیلے جائیں گے جن میں 15 لیگ میچز، سیمی فائنلز اور ایک فائنل شامل ہے۔

ہفتے کے روز، لیگ کے کھلاڑیوں کا سلیکشن کمیٹی کے اراکین دھیرنراج شرما اور شیوم کھرانہنے جائزہ لیا۔ ٹرائلز کی بنیاد پر منتخب ہونے والے کھلاڑیوں کو آئندہ آفیشل پلیئر ڈرافٹ میں شامل کیا جائے گا جہاں لیگ کی چھ فرنچائز ٹیمیں اپنے کھلاڑیوں کا انتخاب کریں گی۔

سی اے یو کے چیف سرپرست پی سی ورما نے کہا کہ دہرادون ٹی 20 لیگ نوجوان کرکٹ ٹیلنٹ کی شناخت اور تربیت کی جانب ایک اہم اور قابل ستائش اقدام ہے۔ اس طرح کے مقابلے نہ صرف اتراکھنڈ میں کرکٹ کی مضبوط بنیاد رکھتے ہیں بلکہ کھلاڑیوں کو اعلیٰ سطح پر اپنی صلاحیتوں کا مظاہرہ کرنے کا موقع بھی فراہم کرتے ہیں۔

مہیم ورما، بورڈ آف کنٹرول فار کرکٹ ان انڈیا (بی سی سی آئی) کے سابق نائب صدر اور کرکٹ ایسوسی ایشن آف اتراکھنڈ کے سابق سکریٹری نے کہا کہ دہرادون ٹی 20 لیگ ریاست میں کرکٹ کی ترقی کے لیے ایک وژنری پہل ہے۔ یہ مقابلہ ابھرتے ہوئے کھلاڑیوں کو قیمتی مواقع اور تجربہ فراہم کرے گا اور انہیں اعلیٰ سطح کی کرکٹ تک پہنچنے کے لیے ایک مضبوط پلیٹ فارم فراہم کرے گا۔

کرکٹ ایسوسی ایشن آف دون کے سکریٹری پیوش کمار رگھوونشی نے کہا کہ دہرادون ٹی 20 لیگ ٹرائلز میں کھلاڑیوں کی بھرپور شرکت اتراکھنڈ میں کرکٹ کے لیے بڑھتے ہوئے جوش و خروش کا ثبوت ہے۔ کرکٹ ایسوسی ایشن آف دون باصلاحیت کھلاڑیوں کو ایک منصفانہ اور پیشہ ورانہ پلیٹ فارم فراہم کرنے کے لیے پرعزم ہے۔ ہمیں یقین ہے کہ یہ لیگ اتراکھنڈ میں کرکٹ کی ترقی میں سنگ میل ثابت ہوگی۔

ڈرافٹ ٹی 20 لیگ کے چیف ایگزیکٹو آفیسر نونیت مشرا نے کہا کہ 650 کھلاڑیوں کی رجسٹریشن اور ٹرائلز میں 350 سے زائد کھلاڑیوں کی شرکت اتراکھنڈ میں کرکٹ کے لیے بڑھتے ہوئے جذبے کی عکاسی کرتی ہے۔ ہمارا مقصد باصلاحیت کھلاڑیوں کو پیشہ ورانہ پلیٹ فارم مہیا کرنا ہے، جس سے وہ اپنی صلاحیتوں کو ظاہر کر سکیں اور قومی سطح تک پہنچنے کا موقع حاصل کر سکیں۔

ایسوسی ایشن نے کہا کہ ٹرائلز میں منتخب ہونے والے کھلاڑیوں کو دہرادون ٹی20 لیگ 2026 کی چھ فرنچائز ٹیموں کی نمائندگی کرنے کا موقع ملے گا۔ یہ لیگ اتراکھنڈ کے باصلاحیت کھلاڑیوں کو پیشہ ورانہ پلیٹ فارم فراہم کرے گی اور ریاست میں کرکٹ کی مجموعی ترقی میں بھی اپنی شراکت داری نبھائے گی۔

ہندوستھان سماچار

ہندوستان سماچار / عطاءاللہ