نوادہ، 23 جولائی (ہ س) ۔۔نوادہ ڈویژنل جیل میں پوکسو ایکٹ کے تحت قید ایک قیدی نے سیڑھیوں کے کمرے میں تولیہ سے لٹک کر خودکشی کرلی۔ پولیس نے واقعے کی تحقیقات شروع کردی ہیں۔ معاملے میں غفلت برتنے پر ایک وارڈر کو معطل کر دیا گیا ہے۔ڈویژنل جیل سپرنٹنڈنٹ برجیش سنگھ مہتا نے جمعرات کے روز بتایا کہ نوادہ ضلع کے میسکور تھانہ کے تحت مہاراج گنج گاؤں کے رہنے والے 20 سالہ گھنشیام کمار کو ایک وارڈر نے جیل کا تالا کھولنے کے لیے چابیاں دی تھیں۔ 4:30 بجے کے قریب قیدی سیڑھی روم میں داخل ہوا اور اپنے ہی تولیے سے خود کشی کر لی۔ جب ان کی حالت خراب ہوئی تو انہیں جیل کے اسپتال میں داخل کرایا گیا اور آکسیجن دی گئی۔ حالت بگڑنے پر اسے نوادہ صدر اسپتال لے جایا گیا جہاں ڈاکٹروں نے جانچ کے بعد اسے مردہ قرار دے دیا۔جیل سپرنٹنڈنٹ نے بتایا کہ وارڈر نے قیدی کو وارڈ کا تالا کھولنے کے لیے چابیاں دی تھیں۔ جس کی وجہ سے یہ واقعہ پیش آیا۔ جس کی وجہ سے وارڈر کو معطل کر دیا گیا ہے۔ انہوں نے کہا کہ قیدی نے خود کشی کیسے کی؟ اس کی کیا وجوہات تھیں۔ تمام معاملات کی تحقیقات شروع کر دی گئی ہیں۔ انہوں نے کہا کہ تحقیقات میں جو بھی قصوروار پایا گیا اس کے خلاف سخت کارروائی کی جائے گی۔ قیدی کے والد راگھو چوہان نے اس معاملے کی اعلیٰ سطحی تحقیقات اور قصوروار جیل حکام کے خلاف کارروائی کا مطالبہ کیا۔ انہوں نے کہا کہ ممکن ہے کہ ان کے بیٹے کو قتل کیا گیا ہو۔ اس تناظر میں بھی مناسب تحقیقات ہونی چاہئیں۔ہندوستھان سماچار

ہندوستان سماچار / Mohammad Afzal Hassan