ایف آئی ایچ یوتھ ہاکی 5 ایس ایشیائی چیمپئن شپ : ہندوستان کی مرد اور خواتین ٹیمیں ناقابلِ شکست

۔ مردوں کی ٹیم نے پاکستان کو 4-7 سے ہرایا

مسقط، 22 جولائی (ہ س)۔ ایف آئی ایچ یوتھ ہاکی 5 ایس ایشیائی چیمپئن شپ 2026 میں ہندوستانی سب جونیئر مرد اور خواتین ٹیموں کا شاندار مظاہرہ مسلسل جاری ہے۔ منگل کے روز ایلیٹ پول مقابلوں میں مردوں کی ٹیم نے میزبان عمان اور روایتی حریف پاکستان کو ہرایا، جبکہ خواتین کی ٹیم نے چین کے ساتھ مقابلہ ڈرا کھیلنے کے بعد ازبکستان کو ایک طرفہ انداز میں شکست دی۔

ہندوستانی سب جونیئر مردوں کی ٹیم نے سنسنی خیز مقابلے میں پاکستان کو 4-7 سے شکست دی۔ ہندوستان کی جانب سے کرن گوتم نے 5 ویں، 9 ویں اور 19 ویں منٹ میں گول داغ کر ہیٹ ٹرک مکمل کی۔ اس کے علاوہ راہل یادو (3')، پرہلاد راجبھر (10')، کپتان کیتن کشواہا (11') اور رومیت پال (11') نے ایک ایک گول کیا۔

پاکستان کے لیے اسلم محمد فرحان (6')، عدیل (8') اور عثمان محمد (10'، 16') نے گول کیے۔

اس سے پہلے ہندوستانی مردوں کی ٹیم نے میزبان عمان کو 0-14 سے عبرت ناک شکست دی۔ کپتان کیتن کشواہا نے چار گول (6'، 11'، 15'، 20') داغے، جبکہ آشیش تانی پورتی نے (1'، 16'، 19') ہیٹ ٹرک بنائی۔ راہل یادو (2'، 12') اور شاہ رخ علی (3'، 13') نے دو دو گول کیے۔ وہیں پرہلاد راجبھر (9')، کرن گوتم (15') اور رومیت پال (18') نے بھی گول کر کے ہندوستان کی بڑی جیت میں تعاون دیا۔

وہیں، ہندوستانی سب جونیئر خواتین کی ٹیم نے اپنے دوسرے ایلیٹ پول مقابلے میں چین کے ساتھ 2-2 سے ڈرا کھیلا۔ چین کے لیے چین گے نے چوتھے منٹ میں برتری دلائی۔ اس کے بعد نوشین ناز نے 16 ویں اور 17 ویں منٹ میں مسلسل دو گول کر کے ہندوستان کو برتری دلا دی۔ تاہم، جیاکسن گوو نے 19 ویں منٹ میں برابری کا گول کر کے مقابلہ ڈرا کرا دیا۔

دن کے دوسرے مقابلے میں ہندوستانی خواتین کی ٹیم نے ازبکستان کو 0-16 سے روند دیا۔ نوشین ناز نے چار گول (6'، 9'، 15'، 16') کیے، جبکہ سندیپا کماری (2'، 6'، 20') اور کپتان سویٹی کوجور (10'، 13'، 20') نے ہیٹ ٹرک بنائی۔ دیا (3'، 17') اور پشپا مانجھی (11'، 13') نے دو دو گول کیے۔ اس کے علاوہ کرن ایکا (8') اور نیلم ٹوپنو (18') نے بھی گول داغے۔

یہ ٹورنامنٹ پہلے ایف آئی ایچ انڈر-18 یوتھ ہاکی 5 ایس ورلڈ کپ کے لیے ایشیائی کوالیفائر بھی ہے۔ ہندوستانی مرد اور خواتین دونوں ٹیمیں اب تک ٹورنامنٹ میں ناقابلِ شکست بنی ہوئی ہیں اور ورلڈ کپ کا ٹکٹ حاصل کرنے کی مضبوط دعویدار نظر آ رہی ہیں۔

ہندوستھان سماچار

---------------

ہندوستان سماچار / انظر حسن