نئی دہلی،22جولائی(ہ س)۔ سپریم کورٹ نے شیو سینا (ادھو ٹھاکرے گروپ) کے چھ ارکانِ پارلیمنٹ کے ایکناتھ شندے دھڑے میں انضمام کو تسلیم کرنے کے لوک سبھا اسپیکر کے فیصلے پر فوری روک لگانے سے انکار کر دیا ہے۔جسٹس پی ایس نرسمہا کی سربراہی والی بنچ نے لوک سبھا سیکریٹریٹ کو نوٹس جاری کرتے ہوئے دو ہفتوں کے اندر جواب داخل کرنے کی ہدایت دی ہے۔ادھو ٹھاکرے گروپ کی جانب سے دائر درخواست میں مؤقف اختیار کیا گیا ہے کہ لوک سبھا اسپیکر نے ان کی جماعت کے چھ ارکانِ پارلیمنٹ کے حریف سیاسی جماعت میں انضمام کو تسلیم کر لیا، جو ایک آئینی معاملہ ہے۔ درخواست گزاروں کے مطابق اسپیکر نے 18 جولائی کی شب اس انضمام کو منظوری دی، جس کے بعد شندے گروپ کے ارکانِ پارلیمنٹ کی تعداد بڑھ کر 13 ہو گئی۔درخواست میں یہ بھی کہا گیا ہے کہ اسپیکر کے اس فیصلے کی وجہ سے پارلیمنٹ میں پارٹی کی سرگرمیوں اور کام کاج پر منفی اثر پڑ رہا ہے۔ہندوستھان سماچار

ہندوستان سماچار / Mohammad Khan