نئی دہلی، 22 جولائی (ہ س)۔

دہلی ہائی کورٹ نے 20 جولائی کو پارلیمنٹ مارچ کے دوران پولیس کی مبینہ زیادتیوں کے خلاف دائر ایک عرضی پر آج سماعت کرنے پر رضامندی ظاہر کی ہے۔ درخواس چیف جسٹس ڈی کے اپادھیائے کی سربراہی والی بنچ کے سامنے مینشن کیا گیا، جس میں آج سماعت کی درخواست کی گئی۔

سی جے پی 20 جون سے جنتر منتر پر احتجاج کر رہے ہیں، پیپر لیک کے الزامات کے بعد مرکزی وزیر تعلیم دھرمیندر پردھان کے استعفیٰ کا مطالبہ کر رہے ہیں۔ اس احتجاج کے ایک حصے کے طور پر سونم وانگچک نے 28 جون کو بھوک ہڑتال شروع کی۔ تقریباً 20 دن کی بھوک ہڑتال کے بعد انہیں جنتر منتر سے صفدر جنگ اسپتال لے جایا گیا۔ مظاہرین نے 20 جولائی کو پارلیمنٹ کی طرف مارچ کیا، اس دوران دارالحکومت میں کئی مقامات پر مظاہرین اور دہلی پولیس کے درمیان پرتشدد جھڑپیں ہوئیں۔

درخواست میں الزام لگایا گیا ہے کہ پولیس نے احتجاج کے دوران کئی مقامات پر مظاہرین کے خلاف تشدد کا سہارا لیا۔ دہلی پولیس نے کئی مقامات پر طلباء پر لاٹھی چارج کیا اور آنسو گیس کا استعمال کیا۔ اس معاملے میں کناٹ پلیس پولیس اسٹیشن، پارلیمنٹ اسٹریٹ پولیس اسٹیشن اور دیگر تھانوں میں ایف آئی آر درج کی گئی ہیں۔

ہندوستھان سماچار

ہندوستان سماچار / عطاءاللہ