میامی، 19 جولائی (ہ س)۔

فیفا ورلڈ کپ 2026 کے تیسری پوزیشن کے میچ میں انگلینڈ کے ہاتھوں 6-4 سے شکست کے بعد، فرانس کے کپتان کیلین ایم باپے نے کہا کہ ٹیم اپنے ریٹائر ہونے والے ہیڈ کوچ ڈیڈیئر ڈیشامپ کو جیت کے ساتھ الوداع کرنا چاہتی تھی، لیکن ایسا ہو نہیں سکا۔

اگرچہ اس نے اعتراف کیا کہ ان کی ٹیم پہلے ہاف میں مکمل طور پر منتشر ہو گئی تھی، لیکن دوسرے ہاف میں کھلاڑیوں نے دوبارہ عالمی معیار کی کارکردگی پیش کی۔

میامی اسٹیڈیم میں کھیلے گئے اس سنسنی خیز مقابلے میں انگلینڈ نے پہلے ہاف میں 4-0 کی برتری حاصل کر لی۔ ڈیکلن رائس، ایزری کونسا، اور بوکایو ساکا (دو گول) نے انگلینڈ کو مضبوط پوزیشن میں پہنچا دیا۔ ورلڈ کپ کی تاریخ میں یہ پہلا موقع تھا کہ فرانس نے ایک ہی ہاف میں چار گول کھا گئے۔

میچ کے بعدایم باپے نے کہا، میچ کے دو بالکل مختلف حصے تھے۔ پہلے ہاف کو دیکھ کر میں سمجھ سکتا ہوں کہ کچھ لوگوں نے سوچا ہو گا کہ ہم نے اپنے آپ کو مضحکہ خیز بنا دیا ہے اور فرانسیسی جرسی کی توہین کی ہے۔ لیکن میں یہ کہوں گا کہ ہم انسان ہیں، حالانکہ اس سطح پر ہمارے پاس ایسی غلطی کی گنجائش نہیں ہونی چاہیے۔ ہم مکمل طور پر چونک گئے اور انگلینڈ حیران رہ گیا۔

انہوں نے مزید کہا دوسرے ہاف میں، ہم ذہنی طور پر مضبوط اور مکمل طور پر تیار اپنی اعلیٰ سطح کی ٹیم میں واپس آئے۔ بدقسمتی سے، ہم میچ نہیں جیت سکے، اور ہمارے کوچ، ڈیڈیر ڈیشامپ اس سے سب سے زیادہ غمگین ہیں۔ ہم اس کے لیے کچھ خاص کرنا چاہتے تھے۔ پہلے ہاف میں ایسا لگا جیسے ہم نے انہیں مایوس کیا، لیکن ہمیں مکمل یقین ہے کہ یہ ایک میچ ڈیڈیئر ڈیشامپ کی عظیم وراثت کو کبھی مکدر نہیں کرے گا ۔

چار گول سے پیچھے رہنے کے بعد دوسرے ہاف میں فرانس نے شاندار واپسی کی۔ایمباپے نے دو بار گول کیا، جبکہ بریڈلی بارکولا نے ایک جوڑ کر اسکور 4-3 کیا۔

ان دو گولوں کے ساتھ ایمباپے لیونل میسی کو پیچھے چھوڑتے ہوئے 22 گول کے ساتھ فیفا ورلڈ کپ کی تاریخ میں سب سے زیادہ اسکورکرنے والے بن گئے۔ تاہم 87ویں منٹ میں بکائیو ساکا نے پنالٹی سے اپنی ہیٹ ٹرک مکمل کر کے انگلینڈ کی برتری کو مضبوط کر دیا۔ فرانس کے لیے عثمان ڈیمبلے نے ایک اور گول کا اضافہ کیا لیکن اسٹاپیج ٹائم میں جوڈ بیلنگھم کے گول نے انگلینڈ کی جیت کو 6-4 سے یقینی بنا دیا۔

یہ میچ فرانس کے ہیڈ کوچ ڈیڈیئر ڈیشامپکا آخری میچ بھی تھا۔ انہوں نے 2012 میں ٹیم کا چارج سنبھالا، اور ان کی قیادت میں، فرانس نے 2018 کا فیفا ورلڈ کپ جیتا، 2022 کا فائنل کھیلا، اور 2026 کے ورلڈ کپ کے سیمی فائنل تک پہنچا۔ انگلینڈ کے خلاف شکست نے ان کے 14 سالہ دور کا خاتمہ کر دیا۔ان کا کامیاب دور اپنے اختتام کو پہنچا۔

ہندوستھان سماچار

ہندوستان سماچار / عطاءاللہ