ادالگڑی، 17 جولائی (ہ س)۔

آسام کے ادالگڑی ضلع کے گرواجھار علاقے میں پیش آئے ایک دردناک حادثے میں دو بھائی بہنوں کی تالاب میں ڈوبنے سے موت ہو گئی۔ پولیس نے آج بتایا کہ دونوں بچے گھر کے قریب تالاب میں نہانے گئے تھے، جہاں یہ حادثہ پیش آیا۔

متوفی بچوں کی شناخت گرواجھار کے رہنے والے نو سالہ چھدل علی اور آٹھ سالہ اکرام الحسین کے طور پر ہوئی ہے۔ اس حادثے کے بعد پورے علاقے میں غم کی لہر دوڑ گئی۔ پولیس نے ضروری قانونی کارروائی شروع کر دی ہے۔

ہندوستھان سماچار

ہندوستان سماچار / انظر حسن