حیدرآباد، 17 جولائی (ہ س) ۔ تلنگانہ کے وزیر اعلیٰ اے۔ ریونت ریڈی نے جمعرات کو ریاست کے عوام کو بونالو تہوار کی مبارکباد پیش کرتے ہوئے اسے تلنگانہ کی شاندار ثقافت، روایات، عقیدت، طاقت اوراتحاد کی علامت قرار دیا۔

سوشل میڈیا پلیٹ فارم ‘ایکس’ پر اپنے پیغام میں وزیر اعلیٰ نے کہاکہ تاریخی گولکنڈہ قلعہ میں شری جگدمبا مہاکالی اماں کو پہلا ‘بونم’ پیش کرکے آشاڑھ مہینے کے تہوار کا آغاز ایک مقدس موقع ہے۔

انہوں نے دعا کی کہ دیوی ریاست کے ہرگھرکو صحت، خوشحالی، مسرت اور امن و سکون سے نوازے۔ریونت ریڈی نے کہا کہ بونالو تلنگانہ کی ثقافتی وراثت کی ایک یادگار علامت ہے۔ انہوں نے امید ظاہر کی کہ غیرمتزلزل عقیدت کے ساتھ پیش کیا جانے والا ہر ‘بونم’ اور دیوی سے کی جانے والی ہر دعا عوام کے لیے خوشحالی، مسرت، حوصلہ اور کامیابی کا باعث بنے گی۔انہوں نے دعا کی کہ شری جگدمبا مہاکالی ماں کا آشیرواد ہمیشہ سب پر قائم رہے اور تلنگانہ کے تمام باشندوں کو بونال تہوارکی دلی مبارکباد پیش کی۔

ہندوستھان سماچار

ہندوستان سماچار / محمدعبدالخالق