یوکرین کے لیے جون ماہ مہلک رہا، روسی حملے میں 293 شہری ہلاک ہوئے : اقوامِ متحدہ

کیف، 15 جولائی (ہ س)۔ اقوامِ متحدہ نے منگل کے روز کہا کہ اپریل 2022 کے بعد اس سال جون کا مہینہ یوکرینی شہریوں کے لیے سب سے زیادہ مہلک رہا۔ روس نے جنگی محاذ سے دور شہروں پر حملے تیز کر دیے، جس کا بہت برا اثر پڑا ہے۔ یوکرین میں اقوامِ متحدہ کے انسانی حقوق کے مانیٹرنگ مشن نے بتایا کہ جون میں کم از کم 293 یوکرینی شہری ہلاک ہوئے۔ اس سال اب تک ہلاک ہونے والے شہریوں کی کل تعداد تقریباً 1,400 ہو گئی ہے۔ یہ تعداد گزشتہ سال اسی مدت کے مقابلے میں 37 فیصد زیادہ ہے۔

سی این این کی رپورٹ کے مطابق، اقوامِ متحدہ کے انسانی حقوق کے مانیٹرنگ مشن کی سربراہ ڈینیئل بیل نے کہا کہ جون کے اعداد و شمار بھیانک اور تشویش ناک ہیں۔ یہ اضافہ بنیادی طور پر طویل فاصلے تک مار کرنے والے روسی میزائلوں کی وجہ سے ہوا، جنہیں نیپرو، اوڈیسا اور راجدھانی کیف جیسے شہروں کی رہائشی عمارتوں پر داغا گیا۔ اقوامِ متحدہ کے مطابق، طویل فاصلے کے ہتھیاروں سے شہریوں کے ہلاک اور زخمی ہونے کی تعداد میں جنوری سے جون کے درمیان 60 فیصد کا اضافہ ہوا ہے۔

اقوامِ متحدہ کے مطابق، جنگی محاذ کے سب سے قریب کے علاقوں میں 2026 میں شہریوں کی زیادہ تر اموات اور زخمی ہونے کے لیے کم فاصلے کے ڈرون ذمہ دار رہے ہیں۔ بیل نے کہا کہ ان ڈرونز نے محاذ کے پاس رہنے والے شہریوں کے لیے حالات پوری طرح بدل دیے ہیں۔ خوفزدہ لوگوں نے کھانے پینے کا سامان خریدنا اور کتوں کو ٹہلانا بند کر دیا ہے۔ دو جولائی کو کیف پر روس کے ایک حملے میں کم از کم 30 لوگوں کی موت ہو گئی تھی، جن میں چھ افراد کا ایک خاندان بھی شامل تھا۔

ہندوستھان سماچار

---------------

ہندوستان سماچار / انظر حسن