اسلام آباد، 15 جولائی (ہ س)۔ پاکستان کے صوبہ پنجاب کے ضلع شیخو پورہ کے نارنگ منڈی شہر میں منگل کی رات دو بسوں کے آمنے سامنے ٹکرانے سے کم از کم پانچ افراد ہلاک اور 25 زخمی ہو گئے۔ یہ حادثہ سدھنوالی اسٹاپ کے قریب کالا کھٹائی روڈ پر پیش آیا۔

دنیا نیوز کے مطابق لاہور سے شکر گڑھ جا رہی بس موٹر سائیکل کو بچانے کی کوشش میں سامنے سے آنے والی ایک اور بس سے ٹکرا گئی۔ ٹکر کے بعد دونوں بسیں سڑک پر الٹ گئیں اور کھیتوں میں گر گئیں۔ حادثے میں پانچ مسافروں کی موقع پر ہی موت ہو گئی اور 25 دیگر زخمی ہو گئے۔

اطلاع ملتے ہی پولیس اور سیکورٹی فورسز موقع پر پہنچ گئیں۔ مرنے والوں اور زخمیوں کو قریبی اسپتال لے جایا گیا۔ ریسکیو ذرائع نے بتایا کہ تینوں زخمی مسافروں کی حالت نازک ہونے کی وجہ سے انہیں بعد لاہور لے جایا گیا، جہاں وہ زیر علاج ہیں۔

ہندوستھان سماچار

--------

ہندوستان سماچار / محمد شہزاد