ٹوکیو، 14 جولائی (ہ س)۔ دو بار کی اولمپک تمغہ جیتنے والی پی وی سندھو نے منگل کو جاپان اوپن بیڈمنٹن ٹورنامنٹ میں خواتین کے سنگلز مقابلے کے دوسرے راونڈ میں داخل ہونے کے لیے شاندار کارکردگی کا مظاہرہ کیا۔ ہندوستان کی اسٹار مینز ڈبلز جوڑی ساتوک سائراج رینکیریڈی اور چراغ شیٹی کو کندھے کی چوٹ کی وجہ سے اپنا پہلا میچ درمیان میں ہی چھوڑنا پڑا۔

عالمی نمبر 10 سندھو نے ملائیشیا کی وونگ لنگ چنگ کو 14-21، 11-21 سے شکست دی۔ سندھو نے شروع سے ہی میچ پر گرفت مظبوط رکھی، اپنے درست اسمیش، ڈراپ شاٹس اور عمدہ نیٹ گیم کے دم پر سیدھے گیمز میں جیت حاصل کی۔

اس دوران، دنیا کی نمبر 4 ہندوستانی مردوں کی ڈبلز جوڑی ساتوک اور چراغ کو ڈنمارک کے ڈینیئل لنڈگارڈ اور میڈس ویسٹرگارڈ کے خلاف پہلا گیم 21-19 سے ہارنے کے بعد میچ سے دستبردار ہونا پڑا۔ ساتوک کے کندھے کی پرانی انجری دوبارہ پیدا ہوگئی، جس سے دونوں کھلاڑیوں کو میچ جاری رکھنے سے روک دیا گیا۔

چیف ڈبلز کوچ تان کم ہر نے کہا کہ ساتوک اور چراغ اگلے ہفتے ہونے والے چائنا اوپن میں بھی صہ نہیں لیں گے۔ دونوں کھلاڑی اب مکمل فٹنس حاصل کرنے کے لیے بحالی پر توجہ دیں گے اور اگست میں بھارت میں ہونے والی عالمی بیڈمنٹن چیمپئن شپ کے لیے پوری طرح تیار رہیں گے۔

مکسڈ ڈبلز میں ہندوستان کے دھرو کپیلا اور تنیشا کرسٹو نے اسکاٹ لینڈ کے الیگزینڈر ڈن اور جولی میکفرسن کو 16-21، 14-21 سے شکست دے کر دوسرے راونڈ میں جگہ بنائی۔

تاہم، روہن کپور اور ریتویکا شیوانی گڈے کی جوڑی پہلے ہی راو¿نڈ میں باہر ہو گئی، انہیں چین کے ٹاپ سیڈ فینگ یان ژے اور ہوانگ ڈونگ پنگ کے ہاتھوں 11-21، 10-21 سے شکست ہوئی۔

مردوں کے ڈبلز میں، ہندوستان کے ہری ہرن امساکرونن اور ایم آر ارجن کا مقابلہ چینی تائپے کی جوڑی لی جھے ہوئی اور یانگ پو-ہسوآن سے ہوگا۔

ہندوستھان سماچار

---------------

ہندوستان سماچار / عبدالسلام صدیقی