واشنگٹن، 14 جولائی (ہ س)۔ امریکی صدر ڈونلڈ ٹرمپ نے آبنائے ہرمز پر قبضہ کرنے کا اشارہ دیا ہے۔ ٹرمپ نے کہا کہ امریکہ آبنائے ہرمز کی حفاظت کرے گا اور بدلے میں اس سے گزرنے والے بحری جہازوں سے 20 فیصد ڈیوٹی وصول کرے گا۔

جنوبی کوریا کی سرکاری خبر رساں ایجنسی یونہاپ نیوزکے مطابق ٹرمپ نے اپنے سوشل میڈیا پلیٹ فارم ٹروتھ سوشل پر پوسٹ کہا کہ امریکہ ایرانی بندرگاہوں پر اپنی بحری ناکہ بندی دوبارہ نافذکر رہا ہے۔ اسے چند ہفتے پہلے ہی اٹھا لیا گیا تھا، لیکن مغربی ایشیا میں جاری تنازعہ کے دوران آبنائے ہرمزکے ذریعے تجارتی ٹریفک، تیل، قدرتی گیس اور دیگر اشیا کے لیے ایک اہم جہاز رانی کا راستہ متاثر رہا۔

ٹرمپ نے کہا کہ آبنائے ہرمز کھلا ہے اور ایران کے ساتھ یا اس کے بغیربھی کھلا رہے گا۔ ہم 'ایرانی ناکہ بندی' دوبارہ نافذ کر رہے ہیں، اسے یہ نام اس لیےدیا گیا ہے کیونکہ یہ صرف ایرانی جہازوں یا گاہکوں کو داخل ہونے یا جانے سے روکتا ہے۔ باقی تمام ممالک آبنائے ہرمز کو منصفانہ اور آزادانہ طور پر استعمال کر سکیں گے۔

اس کے بعد امریکہ کو آبنائے ہرمز کا محافظ تصور کیا جائے گا، لیکن اس کردار میں اور انصاف کے مفاد میں، دنیا کے اس انتہائی حساس حصے میں حفاظت اور سلامتی کو یقینی بنانے کے لیے ضروری اخراجات کو پورا کرنے کے لیے اس کے ذریعے بھیجے جانے والے تمام سامان پر 20 فیصد ڈیوٹی لگایا جائے گا۔ انہوں نے کہا کہ یہ عمل فوری طور پر شروع ہو جائے گا۔

ابھی یہ واضح نہیں ہے کہ آیا 20 فیصد شرح آبنائے ہرمز کے ذریعے بھیجے جانے والے تمام کارگو کی قیمت پر لاگو ہوگی یا یہ آبی گزرگاہ سے محفوظ گزرنے کو یقینی بنانے کے لیے ضروری اخراجات پر مبنی فیس ہوگی۔ وائٹ ہاوس نے اس معاملے پر کوئی وضاحت نہیں کی ہے۔

بحری ناکہ بندی کے دوبارہ نفاذ کے بارے میں، امریکی سینٹرل کمانڈ (سینٹ کام) نے کہا کہ اس کی افواج منگل کی شام 4 بجے (واشنگٹن کے وقت ) سے ایرانی بندرگاہوں پر آنے اور جانے والی سمندری آمدورفت دوبارہ شروع کر دے گی۔ سینٹ کام فورسز ایرانی بندرگاہوں اور ساحلی علاقوں میں نقل و حمل اور کام کرنے والے بحری جہازوں کے خلاف ناکہ بندی نافذ کریں گی۔ امریکی فوج ان تمام بحری جہازوں کے لیے جو ناکہ بندی کی خلاف ورزی نہیں کر رہے ہیں، علاقائی پانیوں میں ٹریفک کے بہاو کی حمایت جاری رکھے گی۔ یہ قدم 13 اپریل اور 18 جون کے درمیان نافذ کیے گئے ابتدائی اقدامات کے بعد اٹھایا گیاہے۔

سینٹ کام کے مطابق، اس دوران، امریکی فوج نے تعمیل کرنے والے 140 سے زائد جہازوں کا رخ موڑ دیا، تعمیل نہ کرنے والے نو جہازوں کو ناکارہ بنا دیا اور انسانی امداد لے جانے والے 50 سے زیادہ تجارتی جہازوں کو ناکہ بندی سے گزرنے دیا۔

غور طلب ہے کہ امریکہ اور ایران کے درمیان تازہ دشمنی نے آبنائے ہرمز میں کشیدگی میں اضافہ کر دیا ہے۔ امریکی فوج نے کہا ہے کہ ایران نے آبنائے ہرمزسے گزرنے والے تجارتی جہازوں پر حملہ کیا ہے۔ اس ٹِٹ فار ٹیٹ اپروچ نے ایک مکمل جنگ کے خدشات کو جنم دیا ہے۔

ایران اس آبنائے پر کنٹرول حاصل کرنے کی کوشش کر رہا ہے، جب کہ ٹرمپ انتظامیہ نے اسے بین الاقوامی آبی گزرگاہ قرار دیتے ہوئے اس کے ذریعے محفوظ نیوی گیشن بحال کرنے پر زور دیا ہے۔

ساتھ ہی ایک چینل کو دیے گئے انٹرویو میں ٹرمپ نے کہا کہ امریکہ اس آبنائے کو اپنے کنٹرول میں رکھے گا اور اسے چلائے گا اور اسے اپنے کنٹرول کے لیے رقم ملنی چاہیے۔

انہوں نے کہا، ہم اس آبنائے کو رکھیں گے اور شاید اسے ہم ہی چلائیں گے۔ ہم اس آبنائے کے محافظ ہوں گے۔ شاید ہمیںاس آبنائے کا گارڈین فرشتہ کہاجائے،لیکنہمیں اس کا معاوضہ ملنا چاہیے۔

---------------

ہندوستان سماچار / عبدالسلام صدیقی