میلبورن، 10 جولائی (ہ س) ہندوستانی وزیر اعظم نریندر مودی نے جمعہ کو آسٹریلیا کے میلبورن کرکٹ گراو¿نڈ (ایم سی جی) میں منعقدہ ایک خصوصی کھیلوں کی تقریب میں شرکت کی۔ تقریب کے دوران، انہوں نے آسٹریلیا کے وزیر اعظم انتھونی البانیزکے ساتھ مل کر ہندوستان-آسٹریلیا کھیلوں کے تعاون کا روڈ میپ جاری کیا۔ اس کا مقصد دونوں ممالک کے درمیان کھیلوں کی تربیت، صلاحیت سازی، کھیلوں کی سائنس اور ٹیکنالوجی اور کھیلوں کی صنعت میں تعاون کو ایک نئی سمت دینا ہے۔

ہندوستانی وزارت خارجہ کے مطابق اس تقریب میں وکٹوریہ صوبہ کی پریمیئر جیسنٹا ایلن، سابق کرکٹر اسٹیو وا اور سابق ہندوستانی نژاد آسٹریلوی کرکٹر لیزا استھالیکر سمیت کئی کھیلوں کی شخصیات نے شرکت کی۔ اس تقریب کا انعقاد ہندوستان اور آسٹریلیا کے درمیان جامع اسٹریٹجک شراکت داری کے تحت کھیلوں، ثقافتی تبادلوں اور عوام سے عوام کے رابطوں کو مضبوط بنانے کے لیے کیا گیا تھا۔

جاری کردہ روڈ میپ کے تحت دونوں ممالک کھیلوں کی تربیت، کھیلوں کی سائنس، تکنیکی تعاون، سرمایہ کاری اور کھیلوں کی صنعت کی ترقی کے شعبوں میں شراکت داری کو بڑھائیں گے۔ اس کے علاوہ، ہندوستان-آسٹریلیا یوتھ اسپورٹس فیسٹیول منعقد کرنے کا بھی منصوبہ ہے۔ اس موقع پر خطاب کرتے ہوئے وزیر اعظم مودی نے کہا کہ کھیل لوگوں اور ممالک کو جوڑنے کا ایک طاقتور ذریعہ ہیں۔ انہوں نے کہا کہ یہ روڈ میپ دونوں ممالک کے درمیان کھیلوں کی شراکت داری کو مزید وسیع اور متنوع بنائے گا۔ وزیر اعظم نے حال ہی میں خواتین کا کرکٹ ورلڈ کپ جیتنے پر آسٹریلیا کو بھی مبارکباد دی۔

وزیر اعظم مودی نے کہا کہ ہندوستان اور آسٹریلیا بین الاقوامی کھیلوں کے ایک اہم دہائی میں داخل ہو رہے ہیں۔ ہندوستان 2030 میں دولت مشترکہ کھیلوں کی میزبانی کرے گا جبکہ آسٹریلیا 2032 میں برسبین اولمپک کھیلوں کی میزبانی کرے گا۔انھوں نے کہا کہ یہ مواقع دونوں ممالک کے درمیان کھیلوں اور متعلقہ صنعتوں میں تعاون کو بڑھانے کے لیے ایک قدرتی پلیٹ فارم فراہم کرتے ہیں۔ تقریب کے دوران دونوں وزرائے اعظم نے کبڈی، آسٹریلیائی فٹ بال اور کرکٹ کے نمائشی میچوں میں حصہ لینے والے نوجوان کھلاڑیوں سے بھی بات چیت کی۔

---------------

ہندوستان سماچار / عبدالسلام صدیقی