سی بی آئی نے ریلوے کے انجینئر کو ایک لاکھ کی رشوت کے معاملے میں گرفتار کیا

بھوپال، 5 جون (ہ س)۔ مرکزی بیورو آف انویسٹی گیشن (سی بی آئی) نے جمعہ کو ویسٹ سینٹرل ریلوے کے ڈپٹی چیف انجینئر-II (تعمیرات) کو ایک لاکھ روپے کی رشوت کے معاملے میں گرفتار کیا ہے۔ ملزم افسر فی الحال مدھیہ پردیش کے ساگر میں تعینات ہے۔

سی بی آئی کے مطابق، جمعرات کو ایک شکایت کنندہ کی شکایت کی بنیاد پر رشوت خوری کا معاملہ درج کیا گیا۔ شکایت میں الزام تھا کہ ملزم ڈپٹی چیف انجینئر نے کنٹریکٹ کے کام سے متعلق سیکورٹی ڈپازٹ جاری کرنے، بقایا بلوں کی ادائیگی اور پی وی جی ڈیوز (مجموعی طور پر تقریباً 1 کروڑ روپے) کے عوض شکایت کنندہ سے ایک لاکھ روپے کا ناجائز مطالبہ کیا تھا۔

سی بی آئی نے جال بچھایا اور ملزم افسر کو شکایت کنندہ سے ایک لاکھ روپے لیتے ہوئے رنگے ہاتھوں پکڑ لیا۔ ملزم کے گیسٹ ہاوس کے کمرے کی تلاشی کے دوران 62 ہزار روپے کی نقدی اور ریئل اسٹیٹ میں سرمایہ کاری سے متعلق قابلِ اعتراض دستاویزات برآمد کی گئیں۔ فی الحال ملزم کو گرفتار کر لیا گیا ہے اور اسے آج جبل پور کی مجاز عدالت میں پیش کیا جائے گا۔

---------------

ہندوستان سماچار / انظر حسن