لکھنؤ، 4 جون (ہ س)۔ اتر پردیش کی راجدھانی لکھنؤ کے وکاس نگر تھانہ علاقے میں بدھ کی دیر رات ایک شخص نے لائسنس یافتہ ریوالور سے خود کو گولی مار کر خودکشی کرلی۔ اطلاع ملنے پر پولیس جائے وقوعہ پر پہنچی اور لاش کو پوسٹ مارٹم کے لیے بھیج دیا اور معاملے کی تفتیش شروع کردی ہے ۔

اسٹیشن انچارج نے بتایا کہ سیکٹر سی، سبولی کا رہنے والا سندیپ سنگھ (52) نجی سیکورٹی فرم ’’شری رام سیکورٹی ایجنسی‘‘ میں بطور سپروائزر کام کرتا تھا۔ اس کے پسماندگان میں اہلیہ اور دو بیٹیاں ہیں۔ اس کے بھائی پردیپ نے بتایا کہ سندیپ شرابی کا عادی تھا اور اس نے کل دیر رات اپنے لائسنس یافتہ ریوالور سے خود کو گولی مار کر خودکشی کرلی۔

واقعے کے بعد اہل خانہ اسے فوری طور پر ٹراما سینٹر لے گئے جہاں ڈاکٹروں نے اسے مردہ قرار دے دیا۔اطلاع ملنے پر پولیس موقع پر پہنچ گئی۔ تفتیش کے دوران جس کمرے میں یہ واقعہ پیش آیا، وہاں سے لائسنس یافتہ ریوالور اور خون کے دھبے ملے ہیں۔ جائے وقوعہ پر سائنسی تحقیقات نے فیلڈ یونٹ کی مدد سے شواہد اکٹھے کئے۔ پولیس ایک پنچایت نامہ تیار کر رہی ہے اور قانون کے مطابق دیگر ضروری قانونی کارروائی کر رہی ہے۔

ہندوستھان سماچار

ہندوستان سماچار / محمد شہزاد