نوئیڈا، 4 جون (ہ س)۔ ایک شخص نے جمعرات کو نوئیڈا کے جارچہ پولیس اسٹیشن میں رپورٹ درج کرائی، جس میں الزام لگایا گیا کہ اس کے گاوں کے ایک شخص نے اے آئی کا استعمال کرتے ہوئے اس کی قابل اعتراض تصویر بنائی اور اسے سوشل میڈیا پر پوسٹ کیا۔ متاثرہ کے مطابق ملزم سوشل میڈیا پر ان کی ماں، بہن، بیوی اور بیٹی کے خلاف نازیبا زبان استعمال کرتے ہوئے فحش پیغامات پوسٹ کرتا رہا ہے۔

جارچہ تھانے کے انچارج انسپکٹر کیلاش ناتھ نے جمعرات کو بتایا کہ چھولس گاوں میں رہنے والے ایک شخص نے آج تھانے میں رپورٹ درج کرائی ہے کہ اس کے گاوں کے رہنے والے عاطف علی ولد فیروز علی نے اے آئی کے ذریعے اس کی فحش تصویر بنائی اور اسے سوشل میڈیا پر وائرل کر دیا۔ متاثرہ کے مطابق ملزم نوجوان متاثرہ کی ماں، بہن، بیٹی اور بیوی کے نام بھی فحش پیغامات بنا کر سوشل میڈیا پر پوسٹ کر رہا ہے۔ ملزم نوجوان ناشائستہ زبان استعمال کر رہا ہے اور گالیاں دے رہا ہے۔ اسٹیشن انچارج نے بتایا کہ واقعہ کی رپورٹ درج کرنے کے بعد پولیس معاملے کی جانچ کررہی ہے۔

---------------

ہندوستان سماچار / عبدالسلام صدیقی