نئی دہلی، 30 جون ( ہ س)۔ وزیر اعظم نریندر مودی نے کہا کہ جب ہمارے عزم، خیالات اور احساسات ایک ہوتے ہیں، تو ہر کام کامیاب ہوتا ہے۔ انہوں نے ہم وطنوں سے اپیل کی کہ وہ اتحاد کے ساتھ آگے بڑھیں اور مل کر ہندوستان کے ہر مقصد کو حاصل کریں۔

وزیر اعظم مودی نے منگل کو ایکس پر سنسکرت سبھاشتم کا اشتراک کیا، ”سامنو منتر ہ سمیتیہ سمانی سامانم منہ سہ چتمیشام۔ سمانم منترمبھی منتریئے وہ سمانین وو ہاویشا جوہومی۔“

اس سبھاشتم کا مفہوم ہے کہ جب کسی معاشرے کے لوگ عزم، خیالات اور احساسات ایک دوسرے سے جڑے ہوں تو اجتماعی کوششیں ہر کام کی کامیابی کو یقینی بناتی ہیں۔ یکجہتی ایک قوم کی سب سے بڑی طاقت ہے اور اسی جذبے کے ذریعے ترقی اور قومی مقاصد کے حصول کے لیے پیش رفت کی جا سکتی ہے۔

ہندوستھان سماچار

ہندوستان سماچار / محمد شہزاد