نئی دہلی، 30 جون (ہ س)۔ کانگریس نے مطالبہ کیا ہے کہ ایودھیا کے رام جنم بھومی مندر میں چڑھاوے کی چوری کی تحقیقات سپریم کورٹ کے موجودہ جج کی نگرانی میں کرائی جائے اور اس معاملے کی تحقیقات کے لیے تشکیل دی گئی خصوصی تحقیقاتی ٹیم (ایس آئی ٹی) کی رپورٹ کو عام کیا جائے۔

کانگریس کی قومی ترجمان سپریہ شری نیت نے منگل کو یہاں پارٹی ہیڈکوارٹر میں ایک پریس کانفرنس میں کہا کہ اس معاملے پر مشترکہ خط بھیجنے کا فیصلہ 8 جون کو اپوزیشن جماعتوں کی میٹنگ میں لیا گیا تھا۔ انہوں نے الزام لگایا کہ حکومت اور ٹرسٹ اعلیٰ عہدہ داروں کو تحفظ فراہم کرنے کی کوشش کر رہے ہیں، جبکہ کارروائی نچلے درجے کے ملازمین تک محدود ہے۔

سری نیٹ نے دعویٰ کیا کہ سی سی ٹی وی فوٹیج میں تقریباً 70 چوری کی وارداتیں ریکارڈ کی گئیں، جو صرف 40 دنوں کی مدت پر محیط تھیں۔ پچھلے ساڑھے پانچ سال کا حساب کون دے گا؟ چڑھاواکی گنتی اور حفاظت کے معیاری طریقہ کار پر عمل نہیں کیا گیا، اورایس بی آئی کے انتباہات کو بھی نظر انداز کیا گیا۔ انہوں نے مطالبہ کیا کہ ٹرسٹ کو تحلیل کیا جائے، اعلیٰ عہدیداروں کے خلاف ایف آئی آر درج کی جائے، مندر میں ملنے والے تمام عطیات کا آزادانہ آڈٹ کرایا جائے اور وزیر اعظم کو اس معاملے پر عوامی سطح پر جواب دینا چاہیے۔

ہندوستھان سماچار

ہندوستان سماچار / Mohammad Khan