سہرسہ، 30 جون (ہ س)۔ ضلع کے سب ڈویژن ہیڈکوارٹرسمری بختیار پور کے کانو ٹولہ ، وارڈ نمبر 28میں پیر کی دیر رات چوروں نے اسلحہ کے ساتھ ڈاکٹر امیش بھگت کے گھر میں داخل ہو کر نقد سمیت لاکھوں روپے کے سامان چوری کر لئے۔ ڈاکٹر کے بیٹے نے مخالفت کی تو انہوں نے اسے اسلحہ کے بٹ سے مارا جس سے وہ شدید زخمی ہو گیا۔ زخمی نوجوان کو علاج کے لیے سب ڈویژن اسپتال میں داخل کرایا گیا۔شور ہونے پر چوروں نے گاؤں والوں سے پکڑے جانے کی خوف سے آناً فاناً میں جائے وقوع پر ہی اپنا لوڈیڈ سکسر چھوڑ کر فرار ہوگیا۔

واقعے کے بارے میں ڈاکٹر کے بیٹے اوم کمار نے بتایا کہ وہ تقریباً 2:30 بجے شادی تقریب سے گھر واپس آیا اور دیکھا کہ پورا خاندان سو رہا ہے۔ شبہ ہے کہ چوروں نے اہل خانہ پر اسپرے کا استعمال کیا ہوگا۔ چورچوری کی واردات کر کے فرار ہونے والے تھے۔ گھر کے مالک کا 28 سالہ بیٹا اوم بابو شادی تقریب سے گھر واپس آیا۔ اسی لمحے دروازہ کھولنے کی کوشش کرتے ہوئے وہ چوروں سے آمنے سامنے ہو گیا۔

اوم بابو نے ہمت دکھاتے ہوئے بھاگنے والے چور کو پکڑ لیا۔ جس کے بعد دونوں کے درمیان شدید ہاتھا پائی ہوئی۔ خود کو گھیرے میں دیکھ کر چور نے اپنے پستول کے بٹ سے اوم بابو کے سر اور چہرے پر حملہ کر دیا۔ جس سے وہ زخمی ہو کر زمین پر گر گیا۔ چور ڈر گیا جب اوم بابو زخمی حالت میں بھی چیختے رہے۔ آناً فاناًمیں وہ پستول اور زندہ کارتوس چھوڑ کر بھاگ گیا۔ لیکن جاتے وقت وہ لاکھوں روپے کے زیورات اور نقدی لے کر فرار ہو گئے۔ واقعہ کی اطلاع ملتے ہی پولیس نے موقع پر پہنچ کر تفتیش شروع کردی۔

ہندوستھان سماچار

ہندوستان سماچار / Mohammad Afzal Hassan