نئی دہلی، 3 جون (ہ س)۔ نوجوانوں کے امور اور کھیلوں کی وزارت کے محکمہ کے تحت مائی یووا بھارت (مائی بھارت)نے وکست وائبرنٹ ولیج پروگرام (وی وی وی پی) 2026 کے پہلے مرحلے کا آغاز کیا ۔ اس اقدام کا مقصد سرحدی دیہاتوں میں نوجوانوں کی فعال شرکت کو بڑھانا، قومی اتحاد کو مضبوط کرنااور پائیدار ترقی کو فروغ دینا ہے۔

پروگرام کو دو مرحلوں میں نافذ کیا جائے گا۔ اس پروگرام کے تحت، ملک بھر سے منتخب ہونے والے 500 ایم وائی بھارت رضاکار ایک ہفتہ سرحدی علاقوں میں مقامی کمیونٹیز کے ساتھ کام کریں گے۔ ان رضاکاروں کا انتخاب ملک گیر آن لائن کوئز مقابلے کے ذریعے کیا گیا، جس میں 300,000 سے زائد نوجوانوں نے حصہ لیا۔

پہلے مرحلے میں 250 رضاکار لداخ، ہماچل پردیش اور اتراکھنڈ کے 43 سرحدی دیہاتوں میں کام کریں گے، جبکہ باقی 250 رضاکار اس ماہ دوسرے مرحلے میں 50 گاوں میں سرگرمیوں میں حصہ لیں گے۔

یہ پروگرام نوجوانوں کو سرحدی علاقوں کی سماجی، اقتصادی اور ثقافتی زندگی کے بارے میں قریب سے سمجھنے کا موقع فراہم کرے گا۔ رضاکار گاو¿ں کے رہائشیوں، پنچایت اداروں، مقامی انتظامیہ اور سیکورٹی فورسز کے ساتھ بات چیت کریں گے، ان علاقوں کی ترقی اور اسٹریٹجک اہمیت کے بارے میں معلومات حاصل کریں گے۔

سات روزہ پروگرام متعدد موضوعات پر مبنی ہے، جن میں سرحدی آگاہی، ثقافتی تبادلہ، کمیونٹی لائف، گڈ گورننس، سماجی و اقتصادی مطالعہ، گاو¿ں کی ترقی کی منصوبہ بندی، خدمت خلقاور قومی یکجہتی شامل ہیں۔

رضاکار گھر گھر سروے کریں گے، گرام سبھا کی سرگرمیوں میں حصہ لیں گے، صفائی ستھرائی اور ماحولیاتی مہم کی حمایت کریں گے اور گاو¿ں میں ترقی کے امکانات کی نشاندہی کریں گے۔

نیشن فرسٹ چیلنج مہم بھی پروگرام کا ایک اہم حصہ ہے۔ رضاکار پانچ اہم موضوعات پر بیداری پیدا کریں گے:

دیسی مصنوعات کو اپنانا

صحت مند کھانے کے نمونوں کو فروغ دینا

پبلک ٹرانسپورٹ اور ایندھن کی بچت

قدرتی زراعت کی حوصلہ افزائی

مقامی سیاحت کو فروغ دینا

اس پروگرام کو وزارت داخلہ اور انڈو تبت بارڈر پولیس (آئی ٹی بی پی) کے تعاون سے نافذ کیا جا رہا ہے۔ اس کا مقصد نوجوانوں کی شرکت کے ذریعہ وکست بھارت 2047 کے وژن کو مضبوط کرنا ہے۔ پروگرام کے کامیاب نفاذ کے لیے قومی، ریاستی اور ضلعی سطحوں پر کنٹرول روم، نوڈل افسران، گاوں کے ایکشن پلان، ٹریننگ سیشن اور دیگر انتظامات قائم کیے گئے ہیں۔

---------------

ہندوستان سماچار / عبدالسلام صدیقی