سیوان، 28 جون (ہ س)۔ ضلع میں اتوار کے روز شروع ہوئے پانچ روزہ قومی پلس پولیو مہم کا آغاز پچروکھی بلاک کے پکڑی بنگالی آنگن باڑی مرکز نمبر ۔202 پر ضلع مجسٹریٹ وویک رنجن میتریہ نے ایک بچے کو پولیو کی دو بند دوا پلا مہم کا آغاز کیا ۔ ضلع مجسٹریٹ کی ہدایت پر اس مہم کا آغاز آشا ورکر سندھیا دیوی نے فیتہ کاٹ کر کیا۔ اس کے بعد سول سرجن ڈاکٹر سرینواس پرساد، ضلع امیونائزیشن افسر ڈاکٹر اروند کمار، سی ایم او ڈاکٹر او پی لال، ڈی پی ایم وشال کمار سنگھ، ڈبلیو ایچ او آر آر ٹی ڈاکٹر امجد علی اور پچروکھی کے میڈیکل افسر نے بھی بچوں کو پلس پولیوکی خوراک پلا ئی۔

ضلع مجسٹریٹ وویک رنجن میتریہ نے کہا کہ پولیو سے پاک معاشرے کو برقرار رکھنا ہماری اجتماعی ذمہ داری ہے۔ ضلع میں پانچ سال سے کم عمر کے ہر بچے کو پولیو ویکسین کے دو قطرے ضرور پلائے جائیں۔ انہوں نے تمام والدین سے اپیل کی کہ وہ محکمہ صحت کی ٹیم کے ساتھ تعاون کریں اور اس بات کو یقینی بنائیں کہ کوئی بچہ زندگی بچانے والی اس ویکسین سے محروم نہ رہے۔ سول سرجن ڈاکٹر سرینواس پرساد نے بتایا کہ ضلع میں 382,173 بچوں کو پولیو کی خوراک پلانے کا ہدف مقرر کیا گیا ہے۔

اس مقصد کے لیے ہیلتھ ورکر 537,886 گھرانوں تک پہنچیں گے۔ مہم کی کامیابی کو یقینی بنانے کے لیے 1,306 گھر گھر ٹیمیں، 167 ٹرانزٹ ٹیمیں، 35 موبائل ٹیمیں، 477 سپروائزر، اور 2996 ویکسی نیٹر تعینات کیے گئے ہیں۔انہوں نے کہا کہ مہم کے دوران پانچ سال سے کم عمر کا کوئی بچہ پولیو ویکسین سے محروم نہ رہے ۔ انہوں نے تمام والدین سے تعاون کی اپیل کی۔ تقریب میں ہیلتھ منیجر انجنی کمار، شاہد ارسلان، اشوک کمار شرما، اور آلوک سدھاکر کے علاوہ محکمہ صحت کے کئی دیگر افسران اور عملہ موجود تھے۔

ہندوستھان سماچار

ہندوستان سماچار / Mohammad Afzal Hassan