جموں, 28 جون (ہ س)۔ کٹھوعہ پولیس نے منشیات کے خلاف جاری مہم کے تحت ضلع کے ایک مبینہ منشیات فروش کی تقریباً 50 لاکھ روپے مالیت کی غیر منقولہ جائیداد ضبط کر لی ہے۔پولیس کے مطابق بلاور تحصیل کے گاؤں پلان کے رہائشی پنکج شرما کی ایک منزلہ رہائشی عمارت، جس کی موجودہ مارکیٹ مالیت تقریباً 50 لاکھ روپے ہے، این ڈی پی ایس ایکٹ 1985 کی متعلقہ دفعات کے تحت ضبط کی گئی۔تحقیقات کے دوران پولیس کو معلوم ہوا کہ مذکورہ جائیداد مبینہ طور پر منشیات اور نفسیاتی ادویات کی غیر قانونی خرید و فروخت سے حاصل ہونے والی آمدنی سے بنائی گئی تھی۔

اس کے بعد ایس ایس پی کٹھوعہ موہیتا شرما کی ہدایت پر قانونی کارروائی عمل میں لائی گئی۔ریونیو محکمہ کے افسران کی موجودگی میں ایس ڈی پی او بلہاور اور ایس ایچ او بلاور کی قیادت میں پولیس ٹیم نے این ڈی پی ایس ایکٹ کی متعلقہ دفعات کے تحت جائیداد کو باضابطہ طور پر ضبط کر لیا۔

پولیس کا کہنا ہے کہ ملزم پہلے بھی این ڈی پی ایس ایکٹ کے تحت کئی مقدمات میں ملوث رہا ہے۔ کٹھوعہ پولیس نے واضح کیا کہ ضلع کو منشیات سے پاک بنانے کے لیے منشیات فروشوں اور ان کی غیر قانونی طور پر حاصل کی گئی جائیدادوں کے خلاف کارروائیاں مستقبل میں بھی جاری رہیں گی۔

ہندوستھان سماچار

---------------

ہندوستان سماچار / محمد اصغر