علی گڑھ، 28 جون (ہ س)۔

دین دیال اسپتال میں آج تقریباً آدھے گھنٹے تک بجلی کی فراہمی معطل رہنے سے او پی ڈی سمیت متعدد طبی خدمات متاثر ہوئیں، جس کے باعث مریضوں اور ان کے تیمارداروں کو شدید دشواریوں کا سامنا کرنا پڑا۔

اطلاعات کے مطابق بجلی کے فیڈر کے ایک فیز میں تکنیکی خرابی پیدا ہونے سے اسپتال کا نظام متاثر ہو گیا۔ بجلی بند ہونے کے ساتھ ہی رجسٹریشن کاؤنٹر کے کمپیوٹر بند ہو گئے، جس سے مریضوں کے پرچے بننا رک گئے۔ شدید گرمی اور طویل انتظار کے باعث کئی مریض علاج کرائے بغیر واپس لوٹ گئے۔ چیف میڈیکل سپرنٹنڈنٹ ڈاکٹر ایم کے ماتھر نے بتایا کہ بجلی کے ایک فیز میں تکنیکی خرابی کی وجہ سے سپلائی متاثر ہوئی تھی۔ جنریٹر بھی اسی فیز سے منسلک ہونے کے باعث فوری طور پر فعال نہیں ہو سکا۔ متعلقہ محکمہ کو اطلاع دے کر خرابی دور کرائی گئی، جس کے بعد بجلی کی فراہمی بحال کر دی گئی۔

ہندوستھان سماچار

ہندوستان سماچار / سید کامران علی گڑھ