رائے بریلی، 27 جون (ہ س)۔ اتر پردیش کے رائے بریلی میں ڈیوٹی پر جا رہے ہوم گارڈ کو گولی مار دی گئی۔ شدید طور پر زخمی ہوم گارڈ کو ضلع اسپتال میں داخل کرایا گیا ہے۔

ضلع کے اٹارا جگت پور کے رہنے والے ہوم گارڈ شیو پرتاپ سنگھ (40) جمعہ کی رات دیر گئے اپنی کار سے سلون کوتوالی ڈیوٹی کرنے جا رہے تھے۔ سلون تھانہ علاقے کے پاری گاو¿ں کے قریب، ان کی کار کو ایک ایس یو وی نے اوورٹیک کرکے اسے روک لیا۔ اس سے پہلے کہ شیو پرتاپ سنگھ کچھ سمجھ سکتے ،حملہ آوروں نے گولی چلا دی۔ دو گولیاں ان کے سر کے قریب سے گزر گئیں اور وہ لہولہان ہوکر گر پڑے۔

گولی چلنے اور ہنگامہ آرائی کی آواز سن کر ادھر سے گزر رہے منیرام پور اونچاہار کے رہنے والے پرفل سنگھ اور پورے رائے ماجرا پاری کے رہنے والے انوج سنگھ، جو وہاں سے گزر رہے تھے، جائے وقوعہ پر رک گئے اور حملہ آوروں کا مقابلہ کیا۔ اس کے بعد حملہ آوروں نے ان پر بھی فائرنگ کر دی ۔ پرفل سنگھ کے ہاتھ سے گولی چھوتی ہوئی نکل گئی۔ حملہ آوروں نے دونوں کو شدید مارا پیٹا اور فرار ہوگئے۔

اس دوران قریبی گاو¿ں کے لوگ بھی جائے وقوعہ پر پہنچے اور پولیس کو اطلاع دی۔ جگت پور پولیس جائے وقوعہ پر پہنچی اور زخمیوں کو مرکزی صحت مرکز (سی ایچ سی) لے گئی، جہاں ڈاکٹروں نے تینوں کو تشویشناک حالت میں ضلع اسپتال ریفر کر دیا۔ وہاں سے تینوں کو ایمس ریفر کیا گیا۔

واقعہ کی اطلاع ملنے پر پولیس سپرنٹنڈنٹ روی کمار نے جائے وقوعہ کا دورہ کیا اور تحقیقات کی۔ انسپکٹر جنرل ایس کرن بھی رات دیر گئے پہنچے۔ ڈپٹی سپرنٹنڈنٹ آف پولیس گرجا شنکر ترپاٹھی نے بتایا کہ شراب کے ٹھیکے کو لے کر پہلے بھی جھگڑا ہوا تھا۔ معاملے کی جانچ کی جا رہی ہے۔

ہندوستھان سماچار

ہندوستان سماچار / محمد شہزاد