برسلز،26جون(ہ س)۔ایٹمی توانائی کی بین الاقوامی ایجنسی (آئی اے ای اے) کے ڈائریکٹر جنرل رفائیل گروسی نے کہا ہے کہ ان کا ماننا ہے کہ 2025 میں آخری معائنے کے بعد سے ایرانی جوہری مواد منتقل نہیں کیا گیا ہے۔ انہوں نے واضح کیا کہ جوہری تنصیبات پر حملہ نہیں کیا جانا چاہیے اور’ہمارا کام اس بات کی تصدیق کرنا ہے کہ کیا حاصل کیا گیا ہے‘۔ انہوں نے جنگ کے بعد ایران میں ’انتہائی گہرائی‘ سے تصدیقی کارروائیاں کرنے کی ضرورت پر زور دیا۔آج جمعے کے روز جاپان میں پریس بریفنگ کے دوران گروسی نے مزید کہا کہ جوہری مواد کی شرح میں کمی یا اسے بیرون ملک منتقل کرنا ایران کے لیے دستیاب اختیارات ہیں۔ انہوں نے کہا ’ہمیں امید ہے کہ ہم جلد ہی ایران میں ہوں گے... اور اس میں کوئی شک نہیں کہ ایک معاہدہ موجود ہے جو معائنے کے طریقہ کار کی وضاحت کرتا ہے‘۔ ایجنسی کے ڈائریکٹر جنرل نے مزید کہا ’امریکا اور ایران کے درمیان معاہدہ قابل اعتماد ہے یا نہیں، اس بات کو یقینی بنانے کے لیے ہماری موجودگی ضروری ہے۔‘گروسی نے مشرق وسطیٰ میں جنگ کے بعد ایران میں جوہری ہتھیاروں کی تیاری نہ ہونے کو یقینی بنانے کے لیے ’انتہائی گہرائی‘ پر مبنی تصدیقی نظام اپنانے کی ضرورت پر زور دیا۔صحافیوں سے بات کرتے ہوئے ان کا کہنا تھا کہ میرا ماننا ہے کہ (ایرانی امریکی) معاہدے کا مقصد اس بات کو یقینی بنانا ہے کہ ایران میں جوہری ہتھیار تیار نہ تیار کیے جائیں... اور ایرانی حکومت واضح طور پر اعلان کر چکی ہے کہ اس کا ایسا کوئی ارادہ نہیں ہے۔گروسی نے مزید کہا لیکن ظاہر ہے کہ صرف ارادے کافی نہیں ہیں۔ ہمیں ایک انتہائی گہرائی سے تصدیقی نظام اپنانا ہوگا.. جیسے ہی یہ ممکن ہو سکا۔ہندوستھان سماچار

ہندوستان سماچار / Mohammad Khan