شاہد کپور، کریتی سینن، اور رشمیکا مندانا کی اداکاری پر مبنی رومانوی ڈرامہ کاک ٹیل 2نے باکس آفس پر پہلے ہفتے کے آخر میں زبردست کاروبارکیا، لیکن اب اس کے کاروبار میں کمی آ رہی ہے۔ یہ فلم، جس نے پہلے دن مضبوط شروعات کی تھی، کاروباری دنوں میں سست ہوتی دکھائی دے رہی ہے۔ اس کے باوجود، یہ اب بھی دیگر حالیہ ریلیز کے مقابلے میں اپنا بہترین مظاہرہ برقرار رکھے ہوئے ہے۔
ساکنلک کے ابتدائی اعداد و شمار کے مطابق، فلم نے ریلیز کے ساتویں دن گھریلو باکس آفس پر 4.15 کروڑ کا کاروبارکیا۔ اس سے ہندوستان میں فلم کا کل خالص مجموعہ 70.40 کروڑ اور مجموعی طورپر 83.95 کروڑ ہوگیاہے۔ فلم نے بیرون ملک مارکیٹ میں اپنے ساتویں دن 1 کروڑ کاکاروبارکیا، جس سے اس کا بیرون ملک مجموعہ 25 کروڑ ہو گیا۔ اس کے نتیجے میں، فلم کا کل دنیا بھر میں مجموعہ 108.95 کروڑ ہوگیاہے۔
اب، فلم کا سب سے بڑا چیلنج اکشے کمار کی ملٹی اسٹارر کامیڈی ویلکم ٹو دی جنگل ہوگا، جو اس ہفتے سینما گھروں میں ریلیز ہو رہی ہے۔ فلم میں پریش راول، سنیل شیٹی، ارشد وارثی، جیکلین فرنانڈیز، دیشا پاٹنی، روینہ ٹنڈن، راجپال یادو اور جانی لیور سمیت دیگر اداکار شامل ہیں۔ فلم کے ارد گرد ہونے والی زبردست تجسس کو دیکھتے ہوئے، یہ خیال کیا جارہا ہے کہ اس کی ریلیز کاک ٹیل 2 کی کمائی کو متاثر کر سکتی ہے۔
---------------
ہندوستان سماچار / عبدالسلام صدیقی
