نئی دہلی، 25 جون (ہ س)۔ ایبولا سے متاثرہ ممالک سے ہندوستان آنے والے مسافروں کے لئے ایئر سوویدھا پورٹل کو فعال کردیا گیا ہے۔ اب مسافروں کو جہاز سے اترنے سے پہلے لازمی سیلف ڈکلیریشن فارم آن لائن مکمل کرنا ہوگا۔ اس سے پہلے یہ سارا عملکاغذی فارم کے ذریعے مکمل کیا جاتا تھا۔
وزارت صحت نے جمعرات کو ایک بیان جاری کرتے ہوئے بتایا کہ وزارت شہری ہوا بازی اور ڈائل کےذریعہ ڈی جی ایچ ایس کے اشتراک سے ایئر سویدھا 2.0 پورٹل لانچ کیا گیا ہے، جس کا مقصد ہندوستان کے تمام داخلے والے مقامات پر ایبولا سمیت صحت کے دیگر خطرات کی بروقت شناخت کو یقینی بنانا ہے۔ یہ جدید نظام صحت، امیگریشن اور نگرانی کی ایجنسیوں کے درمیان حقیقی وقت میں ہم آہنگی کو قابل بناتا ہے، جس سے ممکنہ طور پر خطرے میں پڑنے والے مسافروں کی جلد شناخت ممکن ہو سکے ۔
وزارت نے کہا کہ ہندوستان کا سفر کرنے والے تمام بین الاقوامی مسافروں کو اپنے سفر سے پہلے ائیر سویدھا پورٹل پر ایک سیلف ڈکلیریشن فارم مکمل کرنے کی ضرورت ہوگی۔ یہ فارم ہندوستان پہنچنے سے 24 گھنٹے پہلے تک آن لائن مکمل کیا جا سکتا ہے اور تمام مسافروں کے لیے وقت پر مکمل کرنا لازمی ہے۔
وزارت نے مسافروں کو مشورہ دیا کہ وہ ویب چیک اِن کے دوران یا فلائٹ میں سوار ہونے سے پہلے اس فارم کو مکمل کریں تاکہ ہیلتھ چیک اِن، سیکورٹی کے طریقہ کار اور ہندوستان میں آمد پر امیگریشن کے دوران کسی قسم کی تاخیر یا تکلیف سے بچا جا سکے اور تیزی سے امیگریشن کلیئرنس حاصل کر سکیں۔ فارم جمع کرانے کے بعد، مسافروں کو ڈاؤن لوڈ کی گئی کاپی اپنے پاس رکھنی چاہیے اور اگر ضرورت ہو تو اسے انٹرنیشنل ٹریول ہیلتھ ڈیسک یا امیگریشن کاؤنٹر پر پیش کریں۔
صحت عامہ، حفاظت اور ہموار سفری عمل کو مدنظر رکھتے ہوئے، تمام بین الاقوامی مسافروں سے درخواست کی جاتی ہے کہ وہ اپنے سیلف ڈکلریشن کو درست، واضح اور مکمل معلومات سے بھریں، تاکہ سفر کا عمل بغیر کسی رکاوٹ کے مکمل ہو سکے۔
ہندوستھان سماچار
ہندوستان سماچار / محمد شہزاد
