علی گڑھ،24 جون (ہ س)۔

شری راجپوت کرنی سینا کے عہدیداران نے قومی نائب صدر ٹھاکر گیانیندر سنگھ چوہان کی ہدایت اور برج صوبہ یوا شکتی صدر اومیش کمار سنگھ و ضلع صدر سچن راگھو کی قیادت میں مدھیہ پردیش کے سیونی مالوا معاملے میں 14 گئو رکشکوں کو سنائی گئی عمر قید کی سزا کے خلاف احتجاجی مظاہرہ کیا اور ضلع مجسٹریٹ علی گڑھ کو ایک یادداشت پیش کی۔

یادداشت میں مطالبہ کیا گیا کہ مذکورہ تمام گئو رکشکوں کی جلد رہائی کو یقینی بنایا جائے۔ تنظیم کے عہدیداران نے الزام لگایا کہ اس فیصلے پر نظرثانی کی جانی چاہیے اور معاملے کی اعلیٰ سطح پر جانچ کرائی جائے۔

قومی نائب صدر ٹھاکر گیانیندر سنگھ چوہان نے کہا کہ تنظیم اس فیصلے سے اتفاق نہیں کرتی اور اسے گئو رکشکوں کے ساتھ ناانصافی قرار دیتی ہے۔ انہوں نے مطالبہ کیا کہ متعلقہ جج کے فیصلوں اور دیگر معاملات کی بھی جانچ کرائی جائے۔ مقررین نے کہا کہ گئو ماتا کو سناتن دھرم میں خصوصی مقام حاصل ہے اور گئو سیوا و تحفظ کو مذہبی اور سماجی فریضہ سمجھا جاتا ہے۔ اسی بنیاد پر تنظیم نے حکومت سے مطالبہ کیا کہ اس معاملے میں مناسب قانونی کارروائی کرتے ہوئے انصاف کو یقینی بنایا جائے۔ اس موقع پر برج علاقہ صدر سنجے سنگھ، راجیندر مورگن، پنڈت کیشو دیو، اونیش راگھو، یوگیش ورما، سنیل شرما، بالی شرما، آشیش سنگھ، ابھی نو ٹھاکر، شرد ٹھاکر، پرنس اگروال، ہرش رانا، سمیت کرنی سینا کے متعدد کارکنان اور عہدیداران موجود رہے۔

ہندوستھان سماچار

ہندوستان سماچار / سید کامران علی گڑھ