جموں, 24 جون (ہ س)۔

ضلع ڈوڈہ میں منشیات کے خلاف جاری مہم کے تحت پولیس نے ایک اور کارروائی انجام دیتے ہوئے شیو گپھامندر بگر، عسر کے قریب ایک مبینہ منشیات فروش کو گرفتار کر لیا۔ پولیس کے مطابق گرفتار شخص کے قبضے سے تقریباً 7 گرام ہیروئن نما نشہ آور مادہ برآمد کیا گیا ہے۔پولیس ذرائع کے مطابق سو روزہ انسدادِ منشیات مہم اور نشہ مکت جموں و کشمیر ابھیان کے تحت پولیس اسٹیشن عسر کی ٹیم نے معمول کی ناکہ چیکنگ کے دوران ایک مشتبہ شخص کو روکا۔ تلاشی کے دوران اس کے قبضے سے ہیروئن نما مادہ برآمد ہوا۔

گرفتار ملزم کی شناخت توصیف ملک ولد محمد اشرف سکنہ سرنا، بھدرواہ کے طور پر کی گئی ہے۔ برآمدگی کے بعد پولیس نے ملزم کے خلاف پولیس اسٹیشن عسر میں ایف آئی آر نمبر 18/2026 درج کر کے این ڈی پی ایس ایکٹ کی دفعات 8، 21 اور 22 کے تحت مقدمہ قائم کر لیا ہے۔

پولیس کا کہنا ہے کہ معاملے کی مزید تحقیقات جاری ہیں اور منشیات کی سپلائی چین سے جڑے آگے اور پیچھے کے روابط کا بھی پتہ لگایا جا رہا ہے۔ڈوڈہ پولیس نے عوام سے اپیل کی ہے کہ وہ منشیات اور دیگر غیر قانونی سرگرمیوں کے بارے میں معلومات فراہم کر کے معاشرے کو منشیات سے پاک بنانے میں اپنا کردار ادا کریں۔

ہندوستھان سماچار

---------------

ہندوستان سماچار / محمد اصغر