نئی دہلی، 23 جون (ہ س)۔

بھارت نے پاکستان کے وزیر دفاع کی دھمکی کو ملکی مسائل سے توجہ ہٹانے کی کوشش قرار دیا ہے۔

وزارت خارجہ کے ترجمان رندھیر جیسوال نے منگل کو یہاں ہفتہ وار پریس کانفرنس میں کہا کہ اس طرح کے بیانات پاکستان کی اپنی ناکامیوں کو چھپانے اور انسانی حقوق کی خلاف ورزیوں سے توجہ ہٹانے کی مایوس کن کوشش ہے۔

پاکستان کے وزیر دفاع خواجہ آصف نے حال ہی میں خبردار کیا تھا کہ آبی سلامتی کو لاحق خطرات سندھ طاس معاہدے پر جنگ کا باعث بن سکتے ہیں۔ بھارت نے پہلگام دہشت گردانہ حملے کے بعد 1960 کا آبی معاہدہ معطل کر دیا تھا۔

وزارت خارجہ کے ترجمان رندھیر جیسوال نے کہا، ہم ان من گھڑت دعووں کو پوری طرح اور سختی سے مسترد کرتے ہیں۔ پاکستان کے غیر قانونی اور زبردستی قبضے والے علاقوں میں ہونے والے مظاہرے پاکستان کی دہائیوں پرانی پالیسیوں کا نتیجہ ہیں، جن میں منظم معاشی استحصال، بنیادی حقوق سے انکار، اور انتظامی جبر شامل ہیں۔ ان علاقوں میں، پاکستان نے پولیس کی بربریت کا جواب دیا، ضروری سامان اور ادویات کی سپلائی روک دی، انٹرنیٹ بند کر دیا، اور نہتے شہریوں کے خلاف مہلک طاقت کا استعمال کیا۔

ہندوستھان سماچار

ہندوستان سماچار / عطاءاللہ