لکھنؤ، 22 جون (ہ س) ۔

اتر پردیش کی راجدھانی لکھنؤ کے علی گنج علاقے میں ایک کوچنگ انسٹی ٹیوٹ میں آگ لگنے کے بعد وزیر اعلی یوگی آدتیہ ناتھ اپنے تمام آنے والے پروگرام منسوخ کر کے علی گڑھ سے لکھنؤ کے لیے روانہ ہو گئے۔ اس سے پہلے انہوں نے اتر پردیش کے ڈائریکٹر جنرل آف پولیس اور ایڈیشنل چیف سکریٹری ہوم اور دیگر حکام کو موقع پر پہنچنے کی ہدایت کی۔

وزیر اعلیٰ نے کہا، میری دلی خواہش تھی کہ آج علی گڑھ میں ہوں، لیکن مجھے یہ بتاتے ہوئے افسوس ہو رہا ہے کہ مجھے ابھی لکھنؤ میں ایک المناک آتشزدگی کی اطلاع ملی ہے۔ کچھ بچے آگ کی لپیٹ میں آ کر المناک طور پر ہلاک ہو گئے ہیں۔ اس لیے مجھے فوری طور پر واپس آنا چاہیے۔ میں مہلوکین کے اہل خانہ سے سے تعزیت کا اظہار کرتا ہوں۔

وزیر اعلیٰ نے کہا کہ پولیس کے ڈائریکٹر جنرل اور ایڈیشنل چیف سکریٹری (ہوم) کو جائے وقوعہ کا دورہ کرنے اور رپورٹ پیش کرنے کو کہا گیا ہے۔ میں معاملے کی مکمل تحقیقات، مجرموں کو سزا دینے اور متاثرین کے اہل خانہ سے اظہار تعزیت کرنے کے لیے بھی جا رہا ہوں۔

ہندوستھان سماچار

ہندوستان سماچار / عطاءاللہ