نئی دہلی، 22 جون (ہ س)۔

دہلی-این سی آر میں اگلے چند دنوں تک جزوی طور پر ابر آلود آسمان کا امکان ہے، اور شمال مغربی ہندوستان کے الگ الگ علاقوں میں اگلے چار دنوں میں تیز ہواو¿ں اور گرج چمک کے ساتھ بارش ہونے کی توقع ہے۔

ہندوستان کے محکمہ موسمیات (آئی ایم ڈی) کے مطابق، دہلی-این سی آر میں اگلے چند دنوں تک جزوی طور پر ابر آلود آسمان کی توقع ہے، جس سے چلچلاتی دھوپ سے راحت ملے گی۔ 23-24 جون کو ابر آلود آسمان متوقع ہے۔ درجہ حرارت قدرے گرے گا۔ زیادہ سے زیادہ درجہ حرارت 38-40 ڈگری سیلسیس اور کم سے کم درجہ حرارت 24-27 ڈگری سیلسیس کے درمیان رہنے کی توقع ہے۔ مغربی ہوائیں صبح اور دوپہر 22-25 کلومیٹر فی گھنٹہ کی رفتار سے چلیں گی۔

قابل ذکر ہے کہ 22 جون کی سہ پہر یا شام میں تیز ہواو¿ں اور گرج چمک کے ساتھ ہلکی بارش متوقع ہے۔

آئی ایم ڈی کے مطابق، جنوب مغربی مانسون کے اگلے 48 گھنٹوں میں مہاراشٹر، تلنگانہ، اوڈیشہ، اور چھتیس گڑھ، جھارکھنڈ اور بہار کے کچھ حصوں میں آگے بڑھنے کے لیے حالات سازگار ہیں۔ ذیلی ہمالیائی مغربی بنگال اور سکم میں اس ہفتے بھاری بارش کی توقع ہے۔ اگلے 4-5 دنوں میں بہار، اوڈیشہ اور جھارکھنڈ میں 50-60 کلومیٹر فی گھنٹہ کی رفتار سے گرج چمک اور تیز ہوا چلنے کی توقع ہے۔

شمال مغربی ہندوستان میں ہریانہ، چنڈی گڑھ اور پنجاب میں 23-26 جون تک، مشرقی اتر پردیش میں 27-28 جون تک، اور مشرقی راجستھان اور مغربی راجستھان میں 23-28 جون تک بارشوں کی توقع ہے۔ اگلے چھ دنوں میں وسطی ہندوستان، شمال مشرقی ہندوستان، مغربی ہندوستان، اور جنوبی جزیرہ نما ہندوستان کے کچھ حصوں میں موسلادھار بارش متوقع ہے۔ کونکن اور گوا میں 28 جون تک مسلسل بھاری بارش کی توقع ہے۔ ان میں سے ساحلی کرناٹک، کیرالہ، لکشدیپ اور تلنگانہ میں اگلے چند دنوں میں بارش ہوگی۔ کرناٹک کے ساحلی علاقوں میں 26-27 جون کو موسلادھار بارش کی پیش گوئی کی گئی ہے۔ اس دوران بعض دیگر علاقوں میں بھی تیز ہوائیں چلنے کی توقع ہے۔

اس دوران کچھ ریاستوں میں شدید گرمی پڑنے کی توقع ہے۔

22-26 جون کے درمیان ودربھ (مہاراشٹر) کے علاقے میں شدید گرمی کی لہر کی وارننگ جاری کی گئی ہے۔ راتیں بھی بہت گرم ہوں گی۔ اتر پردیش، مدھیہ پردیش اور چھتیس گڑھ میں ہیٹ ویو کے حالات برقرار رہیں گے، مشرقی اتر پردیش میں 26 جون تک، مشرقی مدھیہ پردیش میں 25 جون تک، اور چھتیس گڑھ میں 23 جون تک ہیٹ ویو کے حالات برقرار رہیں گے۔ جھارکھنڈ میں بھی 24-25 جون کو گرمی کی لہر متوقع ہے۔

ہندوستھان سماچار

ہندوستان سماچار / عطاءاللہ