نئی دہلی، 19 جون (ہ س):۔

ڈی ڈی سی اے خواتین ٹی 20لیگ میں ایس بی یوتھ کرکٹ کلب (خواتین) کی سلامی بلے باز تنو چوہان نے اپنی شاندار کار کردگی سے تمام کی توجہ حاصل کر لی ہے ۔ 23 سالہ کھلاڑی نے لگا تار ار میچوں میں چار سنچریاں لگاتے ہوئے اب تک ٹورنامنٹ میں اپنی وکٹ نہیں گنوائی۔

تنو چوہان نے اب تک چار اننگز میں مجموعی طور پر 492 رنز بنائے ہیں، وہ تمام اننگز میں ناٹ آؤٹ رہیں، جس نے اپنی ٹیم کو ٹورنامنٹ میں مضبوط آغاز فراہم کیا۔ تنو نے اپنی مہم کا آغاز ایسیکس فارمز (خواتین) کے خلاف 78 گیندوں پر ناٹ آؤٹ 149 رنز کے ساتھ کیا۔ انہوں نے سٹی جم خانہ (خواتین) کے خلاف 76 گیندوں پر نا ٹ آؤٹ 108 رنز بنائے۔

ان کی شاندار کار کردگی یہیں نہیں رکی اور تیسرے مقابلے میں رگھو بیر ولوجرز کرکٹ کلب (خواتین) کے خلاف تیسرے میچ میں 77 گیندوں پر نا ٹ آو¿ٹ124 رنز بنائے۔ چوتھے میچ میں، انہوںنے راجندر نگر کولٹس کرکٹ کلب (خواتین) کے خلاف 75 گیندوں پر ناٹ آؤٹ 111 رنز بنا کر لگاتار چوتھی سنچری مکمل کی۔ اپنی ٹیم، ایس بی یوتھ کرکٹ کلب (خواتین) کے لیے کھیلتے ہوئے تنو نے ہر میچ میں جارحانہ بلے بازی اور مستقل مزاجی کا شاندار مظاہرہ کیا ہے۔ ان اننگز نے انہیں موجودہ سیزن کی سب سے متاثر کن بلے بازوں میں سے ایک بنا دیا ہے۔

ہندوستھان سماچار

ہندوستان سماچار / عطاءاللہ