رائے پور، 18 جون (ہ س): ایسٹرن سلیم 2026 پہلی بار رائے پور میں منعقد ہونے والا ہے۔ یہ ٹورنامنٹ 22 سے 27 جون تک اسکواش کمپلیکس بڈھا پارہ میں کھیلا جائے گا۔ ایونٹس جونیئر اور سینئر دونوں زمروں میں منعقد ہوں گے، جس میں مرد و خواتین کے ٹورنامنٹ بھی شامل ہیں۔

چھتیس گڑھ اسکواش ایسوسی ایشن کے عہدیداروں نے بتایا کہ اس ٹورنامنٹ کو اسکواش ریکٹس فیڈریشن آف انڈیا کی جانب سے 5 اسٹار رینکنگ حاصل ہے اور اسے ایشین اسکواش فیڈریشن اور پروفیشنل اسکواش ایسوسی ایشن نے تسلیم کیا ہے۔ یہ ایک بین الاقوامی سطح کا 5-اسٹار رینک والا ایونٹ ہے، جس میں بھارت اور سنگاپور سمیت 21 ریاستوں اور تین ممالک کے تقریباً 349 کھلاڑی شامل ہیں۔

ٹورنامنٹ کے لیے 2,000 امریکی ڈالر کا انعام رکھا گیا ہے۔ اس بین الاقوامی ٹورنامنٹ کے لیے چھتیس گڑھ اسکواش ایسوسی ایشن کے بانی ڈاکٹر وشنو کمار سریواستو کو چیمپئن شپ کا چیئرمین جبکہ ریاستی ایسوسی ایشن کے صدر ڈاکٹر منوج کمار اگروال کو وائس چیئرمین مقرر کیا گیا ہے۔

ہندوستھان سماچار

---------------

ہندوستان سماچار / عبدالواحد