ابتدائی کاروبار میں شیئر بازار میں تیزی کا رجحان، سینسیکس اور نفٹی میں اضافہ

نئی دہلی، 17 جون (ہ س)۔ گھریلو شیئر بازار میں آج ابتدائی کاروبار کے دوران تیزی کا رجحان ہے۔ آج کے کاروبار کی شروعات بھی سبقت کے ساتھ ہوئی تھی۔ حالانکہ بازار کھلتے ہی منافع وصولی شروع ہونے کے سبب سینسیکس اور نفٹی دونوں انڈیکس کچھ وقت کے لیے سرخ نشان میں بھی گر گئے، لیکن تھوڑی دیر بعد ہی خریداروں نے خریداری کا زور بنا دیا۔ خریداری کی حمایت سے ان دونوں انڈیکس نے ریکور کر کے سبز نشان میں اپنی جگہ بنا لی۔ صبح 10.30 بجے تک کا کاروبار ہونے کے بعد سینسیکس 0.36 فیصد اور نفٹی 0.34 فیصد کی مضبوطی کے ساتھ کاروبار کر رہے تھے۔

صبح 10.30 بجے تک کا کاروبار ہونے کے بعد شیئر بازار کے سرکردہ شیئروں میں سے ٹرینٹ لمیٹڈ، ایٹرنل, ٹیک مہندرا، نیسلے اور ایچ ڈی ایف سی لائف کے شیئر 3.30 فیصد سے لے کر 1.02 فیصد کی مضبوطی کے ساتھ کاروبار کر رہے تھے۔ دوسری جانب، ٹی ایم پی وی، او این جی سی، سپلا، ڈاکٹر ریڈیز لیبارٹریز اور ایکسس بینک کے شیئر 1.52 فیصد سے لے کر 0.56 فیصد کی گراوٹ کے ساتھ کاروبار کرتے ہوئے نظر آ رہے تھے۔

ابھی تک کے کاروبار میں شیئر بازار میں 2,794 شیئروں میں ایکٹیو ٹریڈنگ ہو رہی تھی۔ ان میں سے 1,782 شیئر منافع کما کر سبز نشان میں کاروبار کر رہے تھے، جبکہ 1,012 شیئر نقصان اٹھا کر سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 22 شیئر خریداری کی حمایت سے سبز نشان میں برقرار تھے۔ دوسری جانب آٹھ شیئر فروخت کے دباؤ میں سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 35 شیئر سبز نشان میں اور 15 شیئر سرخ نشان میں کاروبار کرتے نظر آ رہے تھے۔

بامبے اسٹاک ایکسچینج (بی ایس ای) کا سینسیکس آج 271.61 پوائنٹس کی مضبوطی کے ساتھ 77 ہزار پوائنٹس کی سطح کو پار کر کے 77,080.09 پوائنٹس کی سطح پر کھلا۔ کاروبار کی شروعات ہوتے ہی فروخت کا دباؤ بننے کے سبب تھوڑی ہی دیر میں یہ انڈیکس گر کر سرخ نشان میں 76,768.49 پوائنٹس کی سطح تک آ گیا۔ اس کے بعد خریداروں نے خریداری شروع کر دی، جس سے اس انڈیکس کی چال میں تیزی آ گئی۔ بازار میں مسلسل جاری خرید و فروخت کے درمیان صبح 10.30 بجے تک کا کاروبار ہونے کے بعد سینسیکس 280.08 پوائنٹس کے اضافے کے ساتھ 77,088.56 پوائنٹس کی سطح پر کاروبار کر رہا تھا۔

سینسیکس کی طرح ہی این ایس ای کے نفٹی نے آج 55.40 پوائنٹس کے اضافے کے ساتھ 24,044.55 پوائنٹس کی سطح سے کاروبار کی شروعات کی۔ بازار کھلتے ہی منافع وصولی شروع ہونے کے سبب یہ انڈیکس تھوڑی دیر میں ہی سرخ نشان میں 23,969.70 پوائنٹس کی سطح سے گر گیا۔ اس کے بعد خریداروں نے خریداری کا زور بنا دیا، جس سے یہ انڈیکس ریکور کر کے سبز نشان میں پہنچ گیا۔ بازار میں خریداروں اور فروخت کنندگان کے درمیان مسلسل جاری رسہ کشی کے درمیان صبح 10.30 بجے تک کا کاروبار ہونے کے بعد نفٹی 81.15 پوائنٹس کی مضبوطی کے ساتھ 24,070.30 پوائنٹس کی سطح پر کاروبار کر رہا تھا۔

ہندوستھان سماچار

---------------

ہندوستان سماچار / انظر حسن