۔گجرات ٹائٹنز کو 5 وکٹوں سے ہرا یا

احمد آباد،یکم جون (ہ س)۔ رائل چیلنجرز بنگلورو (آر سی بی) نے شاندار کارکردگی کا مظاہرہ کرتے ہوئے مسلسل دوسرے سال انڈین پریمیئر لیگ (آئی پی ایل)کا خطاب اپنے نام کر لیا۔ نریندر مودی اسٹیڈیم میں کھیلے گئے فائنل میں بنگلور نے گجرات ٹائٹنز کو پانچ وکٹوں سے شکست دے کر ٹرافی پر قبضہ کر لیا۔

ٹاس جیت کر پہلے گیند بازی کرنےمیدان میں اتری بنگلورونے گجرات کو مقررہ 20 اوورز میں 8 وکٹ پر 155 رن تک محدود کر دیا۔ جواب میں بنگلورو نے 18 اوور میں 5 وکٹوں پر 161 رن بنا کر ہدف حاصل کر لیا۔ اسٹار بلے باز وراٹ کوہلی کے بیٹ سے فاتحانہ شاٹ نکلا جنہوں نے چھکا لگا کر میچ ختم کیا۔

کوہلی نے پھر کھیلی چیمپئن جیسی اننگز

156 رن کے ہدف کا تعاقب کرتے ہوئےبنگلورو کووینکٹیش ایئر اور وراٹ کوہلی نے تیز شروعات دی ۔ ایئر نے صرف 16 گیندوں پر 32 رن بنا کر ٹیم کو ایک مضبوط بنیاد فراہم کی۔ تاہم، دیو دت پڈیکل، رجت پاٹیدار اور کرونال پانڈیاجلدی جلدی آوٹ ہو گئے۔

وراٹ کوہلی نے ایک سرے پر مضبوطی سے کھڑے ہو کر 42 گیندوں پر کئی شاندار چوکے اور چھکے لگا کر ناٹ آوٹ 75 رن بنائے۔ ٹم ڈیوڈ نے ایک کارآمد 24 کے ساتھ بہترین تعاون فراہم کیا۔ آخر میں کوہلی نے جیتیش شرما کے ساتھ مل کر ٹیم کو جیت سے ہمکنار کیا۔

سندر نے گجرات کی لڑکھڑاتی اننگز کو سنبھالا

اس سے پہلے گجرات کی شروعات خراب رہی، کپتان شبھمن گل، سائی سدرشن اور نشانت سندھو سستے میں پویلین واپس چلے گئے۔ جوس بٹلر بھی بڑی اننگز کو تبدیل کرنے میں ناکام رہے۔

واشنگٹن سندر نے مڈل آرڈر میں جدوجہد بھری بیٹنگ کرتے ہوئے 37 گیندوں پر ناٹ آوٹ 50 رن بنائے۔ گجرات قابل احترام ٹوٹل تک پہنچنے میں کامیاب رہا، لیکن ٹیم بڑا ہدف بنانے میں ناکام رہی۔

راسخ نے گیند بازی میں کمال کیا

بنگلورو کی جانب سے راسخ سلام ڈار سب سے کامیاب گیندباز رہے جنہوں نے 27 رن کے عوض تین اہم وکٹیں حاصل کیں۔ بھونیشور کمار اور جوش ہیزل ووڈ نے دو دو وکٹیں لے کر گجرات کی بیٹنگ پر دباؤ برقرار رکھا۔

مسلسل دوسری بار خطاب جیت کر بنگلورو نے آئی پی ایل میں اپنا تسلط برقرار رکھا اور ایک بار پھر ثابت کر دیا کہ ٹیم کا تجربہ اور بڑے میچوں میں توازن اسے ایک الگ پہچان دیتا ہے۔

ہندوستھان سماچار

ہندوستان سماچار / محمد شہزاد