تہران، یکم جون (ہ س)۔ ایرانی صدر مسعود پیزشکیان اب تک اپنے عہدے پر برقرار ہیں۔ انہوں نے استعفیٰ نہیں دیا ہے۔ عالمی میڈیا میں اتوار کو نشر کی گئی ان کے استعفے کی خبر پر ایرانی انتظامیہ نے کل رات گئے ردعمل ظاہر کیا۔ انتظامیہ کی ترجمان فاطمہ مھاجرانی نے کہا کہ یہ محض افواہ ہے۔

ایرنا نیوز ایجنسی کے مطابق، ایرانی حکومت کی ترجمان فاطمہ مھاجرانی نے اتوار کی رات گئے اپنے ایکس ہینڈل پر کہا کہ صدر مسعود پیزشکیان مشکل کی گھڑی میں ایرانی عوام کے ساتھ کھڑے ہیں۔ ان کی انتظامیہ ملک کے مسائل کو حل کرنے اور لوگوں کی زندگیوں کو بہتر بنانے کے لیے کام کر رہی ہے۔ مھاجرانی نے مزید کہا کہ وہ اپنے عہدے پر برقرار ہیں اور ان کے استعفیٰ کی خبریں افواہیں ہیں۔

قابل ذکر ہے کہ مسعود پیزشکیان نے اتوار کو کابینہ کے اجلاس میں شرکت کی۔ انہوں نے مسلط کردہ جنگ کے دوران تمام ایجنسیوں کے کردار کی تعریف کی۔ صدر نے لوگوں سے موجودہ حقیقت سے آگاہ رہنے کی اپیل کرتے ہوئے اس بات پر زور دیا تھا کہ ملک کے کچھ معاشی مسائل عائد پابندیوں اور دباؤ کی وجہ سے پیدا ہوئے ہیں۔ اس کے کچھ ہی دیر بعد ان کے استعفیٰ کی خبریں منظر عام پر آئیں۔ یہاں تک بتایا گیا کہ انہوں نے اپنا استعفیٰ ملک کے سپریم لیڈر کو پیش کر دیا ہے۔ حکومت نے کہا کہ اس میں کوئی صداقت نہیں ہے۔

ہندوستھان سماچار

ہندوستان سماچار / محمد شہزاد