نئی دہلی، 26 مئی (ہ س)۔ گھریلو شیئر بازار آج ابتدائی کاروبار کے دوران گراوٹ کا سامنا کرنے کے بعد ریکوری کرتا ہوا نظر آ رہا ہے۔ آج کے کاروبار کی شروعات کمزوری کے ساتھ ہوئی تھی۔ بازار کھلنے کے بعد خریداروں نے خریداری کا زور بنا دیا، جس کی وجہ سے پہلے 15 منٹ کے کاروبار کے بعد ہی سینسیکس اور نفٹی دونوں انڈیکس ریکوری کر کے سبز نشان میں پہنچ گئے۔ اس کے بعد منافع وصولی کے چکر میں بازار کو فروخت کا جھٹکا بھی لگا، جس سے ان دونوں انڈیکس کی چال میں دوبارہ گراوٹ کا رجحان بن گیا۔ حالانکہ تھوڑی دیر بعد ہی خریداروں نے دوبارہ خریداری شروع کر دی، جس سے دونوں انڈیکس کی صورتحال میں سدھار ہونے لگا۔ پہلے ایک گھنٹے کا کاروبار ہونے کے بعد سینسیکس 0.07 فیصد اور نفٹی 0.13 فیصد کی مضبوطی کے ساتھ کاروبار کر رہے تھے۔

ابتدائی ایک گھنٹے کا کاروبار ہونے کے بعد شیئر بازار کے سرکردہ شیئروں میں سے ٹی ایم پی وی، کول انڈیا، ایٹرنل، اڈانی انٹرپرائزز اور ہنڈالکو انڈسٹریز کے شیئر 2.63 فیصد سے لے کر 0.73 فیصد کی مضبوطی کے ساتھ کاروبار کر رہے تھے۔ دوسری جانب، کوٹک مہندرا، سن فارماسیوٹیکلز، ایس بی آئی لائف انشورنس، میکس ہیلتھ کیئر اور اپولو ہاسپٹل کے شیئر 0.93 فیصد سے لے کر 0.77 فیصد کی گراوٹ کے ساتھ کاروبار کرتے ہوئے نظر آ رہے تھے۔

ابھی تک کے کاروبار میں شیئر بازار میں 2,996 شیئروں میں ایکٹیو ٹریڈنگ ہو رہی تھی۔ ان میں سے 2,054 شیئر منافع کما کر سبز نشان میں کاروبار کر رہے تھے، جبکہ 942 شیئر نقصان اٹھا کر سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 16 شیئر خریداری کی حمایت سے سبز نشان میں برقرار تھے۔ دوسری جانب 14 شیئر فروخت کے دباو میں سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 28 شیئر سبز نشان میں اور 22 شیئر سرخ نشان میں کاروبار کرتے نظر آ رہے تھے۔

بامبے اسٹاک ایکسچینج (بی ایس ای) کا سینسیکس آج 264.82 پوائنٹس کی کمزوری کے ساتھ 76,224.14 پوائنٹس کی سطح پر کھلا۔ کاروبار کی شروعات ہوتے ہی خریداروں نے خریداری کا زور بنا دیا، جس کی وجہ سے پہلے 15 منٹ کے کاروبار میں ہی یہ انڈیکس اچھل کر سبز نشان میں 76,616.02 پوائنٹس کی سطح تک پہنچ گیا۔ اس کے بعد بازار میں منافع وصولی ہونے کی وجہ سے اس انڈیکس کی چال میں معمولی گراوٹ بھی آئی، لیکن صبح 10 بجے کے قریب خریداروں نے دوبارہ خریداری کا زور بنا دیا۔ خریداری کی حمایت سے اس انڈیکس کی چال میں ایک بار پھر تیزی آگئی۔ بازار میں مسلسل جاری خرید و فروخت کے درمیان پہلے ایک گھنٹے کا کاروبار ہونے کے بعد صبح 10.15 بجے سینسیکس 55.69 پوائنٹس کے اضافے کے ساتھ 76,544.65 پوائنٹس کی سطح پر کاروبار کر رہا تھے۔

سینسیکس کی طرح ہی این ایس ای کے نفٹی نے آج 27.60 پوائنٹس گر کر 24,004.10 پوائنٹس کی سطح سے کاروبار کی شروعات کی۔ بازار کھلتے ہی خریداری شروع ہو جانے کے سبب پہلے 15 منٹ کے کاروبار میں ہی یہ انڈیکس ریکوری کر کے 24,077.20 پوائنٹس کی سطح تک پہنچ گیا۔ اس کے بعد فروخت کا جھٹکا لگنے کی وجہ سے اس انڈیکس کی چال میں تھوڑی گراوٹ بھی آئی۔ حالانکہ صبح 10 بجے کے بعد خریداروں نے ایک بار پھر خریداری کا زور بنا دیا، جس سے اس انڈیکس کی چال میں تیزی آگئی۔ بازار میں مسلسل جاری خریداروں اور فروخت کنندگان کے درمیان رسہ کشی کے درمیان ابتدائی ایک گھنٹے کا کاروبار ہونے کے بعد صبح 10.15 بجے نفٹی 31.95 پوائنٹس کی مضبوطی کے ساتھ 24,063.65 پوائنٹس کی سطح پر کاروبار کر رہا تھا۔

ہندوستھان سماچار

---------------

ہندوستان سماچار / انظر حسن