سپول، 22 مئی (ہ س)۔ ضلع میں شراب کے غیر قانونی کاروبار کے خلاف جاری مہم کے ایک حصہ کے طور پر محکمہ آبکاری اور امتناع نے جمعرات کی دیر رات ایک بڑی کامیابی حاصل کی۔ٹاؤ ن تھانہ علاقہ میں چھاپہ مار ی کے دوران محکمہ نے بڑی مقدار میں غیر ملکی شراب برآمد کر کے ایک اسمگلر کو گرفتار کر لیا۔ ضبط کی گئی شراب کی کل مقدار 353 لیٹر سے زیادہ بتائی جاتی ہے۔ معلومات کے مطابق محکمہ ایکسائز کو خفیہ اطلاع ملی کہ بلوا پنچایت کے پپرا ہری وارڈ نمبر 13 میں غیر قانونی شراب کی کھیپ چھپائی گئی ہے۔اطلاع کی بنیاد پر ایکسائز اور پولیس کی مشترکہ ٹیم نے بیریا منچ کے قریب علاقے کو گھیرے میں لے کر چھاپہ ماری کی۔ کارروائی کے دوران شیوجی کمار یادو نامی اسمگلر کو گرفتار کیا گیا۔ چھاپہ ماری میں غیر ملکی شراب کی کل 1,297 بوتل برآمد کی گئیں جن کی کل تعداد تقریباً 353.640 لیٹر تھی۔ برآمد شدہ شراب کو ضبط کر لیا گیا ہے اور ملزم کے خلاف بہار ایکسائز اور آبکاری ایکٹ کے تحت مقدمہ درج کر لیا گیا ہے۔ سپرنٹنڈنٹ اشوک کمار نے بتایا کہ گرفتار اسمگلر پہلے شراب کی اسمگلنگ کے جرم میں جیل جا چکا ہے ۔ رہائی کے بعد بھی وہ شراب کی غیر قانونی اسمگلنگ میں سرگرم رہا۔ محکمہ کو اس کی سرگرمیوں کے بارے میں مسلسل معلومات ملتی تھیں جس کے بعد ایک خصوصی حکمت عملی مرتب کی گئی اور یہ کارروائی کی گئی۔ ابتدائی تحقیقات سے پتہ چلا ہے کہ شراب کی کھیپ کشن پور علاقے سے لائی گئی تھی اور اس کا مقصد ضلع کے مختلف علاقوں میں سپلائی کرنا تھا۔ محکمہ اب اس پورے نیٹ ورک اور اس میں شامل دیگر افراد کی تلاش کر رہا ہے۔ افسرا ن نے واضح کیا کہ ضلع میں شراب کے غیر قانونی کاروبار کے خلاف مہم بلاتاخیر جاری رہے گی اور اس کاروبار میں ملوث کسی کو بھی بخشا نہیں جائے گا۔

ہندوستھان سماچار

ہندوستان سماچار / Mohammad Afzal Hassan