نئی دہلی ، 21 مئی ( ہ س) ۔ نوجوانوں کے امور اور کھیل کود کی وزارت نے ڈوپنگ سے متعلق منظم سرگرمیوں کو جرم قرار دینے کی تیاریاں شروع کر دی ہیں ۔ مجوزہ قانون میں ترامیم کے مسودے پر عوامی مشاورت جاری کرتے ہوئے وزارت نے کھلاڑیوں ، کھیلوں کی تنظیموں اور دیگر شراکت داروں سے 18 جون تک تجاویز اور تبصرے طلب کیے ہیں ۔

مجوزہ ترامیم کا مقصد اسمگلنگ ، غیر قانونی سپلائی ، انتظامیہ اور کھیلوں میں ممنوعہ کارکردگی بڑھانے والے مادوں اور طریقوں کی تجارتی تقسیم میں ملوث منظم نیٹ ورکس پر کریک ڈاؤن کرنا ہے ۔ وزارت کے مطابق نئی دفعات کے تحت اسمگلنگ ، ممنوعہ اشیا اور طریقوں کی غیر قانونی فروخت اور تقسیم ، ڈوپنگ کے مقصد سے کھلاڑیوں کو ممنوعہ اشیا کی فراہمی ، نابالغ کھلاڑیوں کو اس طرح کا مواد فراہم کرنا ، ڈوپنگ سے متعلق منظم جرائم اور تجارتی سرگرمیاں ، فروخت مقررہ لیبلنگ اور اشتہار کے بغیر ممنوعہ اشیا اور ڈوپنگ کو فروغ دینے والی ادا شدہ تشہیر کو جرم قرار دیا جائے گا ۔ ان ترامیم کا بنیادی ہدف ڈوپنگ نیٹ ورک سے وابستہ اسمگلرز ، غیر قانونی سپلائرز ، منظم گروہ اور بدعنوان

عملہ ہوں گے۔

وزارت نے واضح کیا ہے کہ کھلاڑیوں پر صرف مثبت ڈوپ ٹیسٹ یا اینٹی ڈوپنگ رول کی خلاف ورزی کی بنیاد پر فوجداری مقدمات میں فرد جرم عائد نہیں کی جائے گی ۔ کھلاڑیوں سے متعلق اینٹی ڈوپنگ کے معاملات کو موجودہ اینٹی ڈوپنگ فریم ورک کے تحت نمٹا جائے گا ۔ مجوزہ ترامیم اس بات کو بھی یقینی بناتی ہیں کہ صاف ستھرے کھلاڑیوں کے مفادات کا تحفظ کیا جائے اور کھیلوں کا غلط استعمال کرنے والے مجرمانہ نیٹ ورکس کے خلاف موثر کارروائی کی جائے ۔

طبی چھوٹ اور ہنگامی حالات کو بھی مدنظر رکھا گیا مجوزہ فریم ورک میں طبی استعمال میں جائز چھوٹ والے کھلاڑیوں اور ہنگامی طبی حالات میں ممنوعہ مادوں کا جائز استعمال کرنے والے ڈاکٹروں کے لیے حفاظتی اقدامات بھی شامل ہیں ۔ وزارت نے کہا کہ یہ اقدام کھیلوں میں ڈوپنگ کے خلاف یونیسکو کنونشن اور ورلڈ اینٹی ڈوپنگ ایجنسی کی پالیسیوں کے مطابق ہے ۔ وزارت کھیل کا کہنا ہے کہ مجوزہ انتظام کا مقصد کھلاڑیوں کی حفاظت ، کھیل کی انصاف پسندی ، صحت عامہ اور موثر قانون نافذ کرنے والے اداروں کے درمیان توازن قائم کرنا ہے ۔

ہندوستھان سماچار

---------------

ہندوستان سماچار / عبدالواحد