نئی دہلی ، 21 مئی ( ہ س)۔ دہلی ہائی کورٹ نے 2020 میں شمال مشرقی دہلی میں ہوئے تشدد کی سازش کے ملزم سلیم ملک کو ضمانت دے دی ہے ۔ جسٹس پرتیبھا سنگھ کی بنچ نے سلیم ملک کو ضمانت پر رہا کرنے کا حکم دیا۔

سماعت کے دوران سلیم ملک کے وکیل نے کہا کہ درخواست گزار دوسرے شریک ملزموں کو دی گئی ضمانت کی بنیاد پر مساوات کا حقدار ہے ۔ 5 جنوری کو عدالت عظمی نے پانچ ملزموں گلفشاں فاطمہ ، میران حیدر ، شفاء رحمان ، محمد سلیم خان اور شاداب احمد کو ضمانت دے دی تھی ۔ دو دیگر ملزم عمر خالد اور شرجیل امام کو ضمانت نہیں دی گئی تھی۔

کڑ کڑ ڈوما عدالت نے 29 جنوری کو سلیم ملک کی ضمانت کی درخواست مسترد کر دی تھی ۔ سلیم ملک نے ہائی کورٹ کے حکم کو سپریم کورٹ میں چیلنج کیا تھا ۔ سلیم ملک پر چاند باغ میں شہریت ترمیم قانون (سی اے اے) کے خلاف مظاہروں کا مرکزی منتظم ہونے کا الزام ہے ۔ تشدد سب سے پہلے چاند باغ میں شروع ہوا ۔ اس حملے میں ہیڈ کانسٹیبل رتن لال مارے گئے۔

سماعت کے دوران سلیم ملک کے وکیل نے کہا تھا کہ ملزم کو 25 جون 2020 کو منڈولی جیل سے تشدد کی سازش کے سلسلے میں گرفتار کیا گیا تھا ۔ اس کے خلاف الزامات وہی تھے جن میں وہ پہلے ہی جیل میں بند تھا ۔ سلیم ملک نہ تو شریک سازشی ہے اور نہ ہی سہولت کار ۔ اس کے خلاف الزامات سنگین نوعیت کے نہیں ہیں۔

ہندوستھان سماچار

---------------

ہندوستان سماچار / عبدالواحد