روم، 20 مئی (ہ س)۔ وزیر اعظم نریندر مودی نے یہاں اٹلی کے صدر سرجیو میٹریلا سے ملاقات کی اور ہندوستان-اٹلی تعلقات کو مضبوط بنانے کے مختلف پہلوؤں پر تبادلہ خیال کیا۔

وزارت خارجہ کے ترجمان رندھیر جیسوال نے سوشل میڈیا پلیٹ فارم ایکس پر شیئر کی گئی ایک پوسٹ میں کہا کہ میٹنگ کے دوران وزیر اعظم مودی اور اطالوی صدر سرجیو میٹریلا نے ہندوستان اور اٹلی کے درمیان مضبوط اور پائیدار شراکت داری کا اعادہ کیا، اور تجارت، ٹیکنالوجی، اختراع، صاف توانائی، مصنوعی ذہانت، اور ثقافت سمیت مختلف شعبوں پر بات چیت کی۔ انہوں نے باہمی دلچسپی کی علاقائی اور بین الاقوامی پیش رفت پر بھی تبادلہ خیال کیا۔

سوشل میڈیا پلیٹ فارم ایکس پر ایک پوسٹ میں، وزیر اعظم مودی نے کہا کہ انہوں نے صدر میٹریلا کے ساتھ تجارت، سرمایہ کاری اور ثقافتی تعلقات سمیت ہندوستان-اٹلی دوستی سے متعلق مختلف امور پر نتیجہ خیز بات چیت کی۔ انہوں نے مزید کہا کہ دونوں رہنماؤں نے مصنوعی ذہانت ، اہم معدنیات، خلائی اور جوہری توانائی جیسے شعبوں میں تعاون کے ممکنہ شعبوں پر بھی تبادلہ خیال کیا۔

ہندوستھان سماچار

---------------

ہندوستان سماچار / عبدالواحد