کولکاتا، 2 مئی (ہ س)۔ جنوبی 24 پرگنہ ضلع کے ڈائمنڈ ہاربر اور مگراہاٹ ویسٹ اسمبلی حلقوں کے 15 پولنگ اسٹیشنوں پر دوبارہ پولنگ ہموار اور پرامن طریقے سے جاری ہے۔ ہفتہ کی دوپہر ایک بجے تک، 55.57 فیصد رائے دہندگان نے اپنے حق رائے دہی کا استعمال کر چکے ہیں۔ جوں- جوں دن گزر رہا ہے، ووٹنگ کی رفتار میں اضافہ ہوتا دکھائی دے رہا ہے۔ پہلے دو گھنٹوں میں ووٹ ڈالنے کا اوسط 16فیصد تھا، جو صبح 11 بجے تک 37فیصد سے تجاوز کر گیا۔ فی الحال کسی ناخوشگوار واقعے کی کوئی اطلاع نہیں ہے۔ دوپہر ایک بجے تک، مگرہاٹ ویسٹ کے 11 بوتھس پر 56.33 فیصد ووٹنگ ریکارڈ کی گئی ہے، جب کہ ڈائمنڈ ہاربر کے چار بوتھس پر 54.9 فیصد ووٹنگدرج کی گئی ہے۔

قابل ذکر ہے کہ مغربی بنگال کے جنوبی 24 پرگنہ ضلع میں ہفتہ کو ڈائمنڈ ہاربر اسمبلی حلقہ کے چار بوتھ اورکے مگرہااٹ مغربی اسمبلی حلقہ کے 11 بوتھوں پر دوبارہ پولنگ پرامن طریقے سے شروع ہوئی۔ ووٹنگ صبح 7 بجے شروع ہوئی جو شام 6 بجے تک جاری رہے گی۔ اسمبلی انتخابات کے دوسرے مرحلے میں ووٹنگ کے دوران بے ضابطگیوں کی شکایات کا نوٹس لیتے ہوئے الیکشن کمیشن نے دو اسمبلی حلقوں کے 15 بوتھس پر دوبارہ پولنگ کرانے کا فیصلہ کیا۔جن بوتھ پر ری- پولنگ ہو رہی ہے ، ان میں مگراہاٹ مغرب کے بوتھ نمبر 46، 126، 127، 128، 142، 214، 215، 216، 230، 231 اور 232 اور ڈائمنڈ ہاربر کے بوتھ نمبر 117، 179، 194، اور 243 شامل ہیں۔

صبح سے ہی تمام پولنگ اسٹیشن پر سخت حفاظتی انتظامات کیے گئے تھے۔ مرکزی فورسز کے ساتھ ریاستی پولیس مستعدی کے ساتھ تعینات ہے۔ کسی بھی ناخوشگوار واقعے سے بچنے کے لیے پولنگ اسٹیشن کے باہر اجتماعات پر مکمل پابندی عائد کر دی گئی ہے اور علاقے میں مسلسل گشت کیا جا رہا ہے۔ ووٹنگ کے عمل کے دوران کسی قسم کی گڑبڑ یا ناخوشگوار واقعہ کی اطلاع نہیں ہے۔ انتظامیہ نے پورے عمل کے پرامن اور منصفانہ انعقاد کو یقینی بنانے کے لیے وسیع انتظامات کیے ہیں۔

ہندوستھان سماچار

ہندوستان سماچار / محمد شہزاد