جاوید رانا نے سیلاب سے متاثرہ خاندانوں کو زمین الاٹمنٹ کے عمل کی پیش رفت کا جائزہ لیا
جموں، 07 اپریل (ہ س)۔ جموں و کشمیر کے وزیر جل شکتی، جنگلات، ماحولیات و قبائلی امور جاوید احمد رانا نے مینڈھر اور بالاکوٹ تحصیلوں کے علاقوں کلا بن، سنگیوٹ اور سرہوتی میں متاثرہ خاندانوں کو زمین الاٹمنٹ کے عمل کی پیش رفت کا جائزہ لینے کے لیے ایک اجلاس کی صدارت کی۔ اجلاس میں ایس ڈی ایم مینڈھر، تحصیلدار مینڈھر و بالاکوٹ اور متعلقہ ریونیو افسران نے شرکت کی۔
اس موقع پر 2025 کی قدرتی آفات کے باعث بے زمین ہونے والے خاندانوں کو زمین فراہم کرنے کے عمل پر تفصیلی غور کیا گیا۔ حکام کے مطابق حکومت نے سیلاب، لینڈ سلائیڈ، بادل پھٹنے اور زلزلوں سے متاثرہ ہر خاندان کو رہائشی مقصد کے لیے 5 مرلہ سرکاری زمین لیز پر دینے کا فیصلہ کیا ہے۔ وزیر نے عمل کو تیز کرنے اور رکاوٹوں کو فوری دور کرنے کی ہدایت دیتے ہوئے کہا کہ متاثرہ خاندانوں کی بروقت بازآبادکاری یقینی بنائی جائے۔ انہوں نے زور دیا کہ زمین الاٹمنٹ کا عمل مشن موڈ میں مکمل کیا جائے تاکہ مستحقین کو بغیر تاخیر کے فائدہ پہنچ سکے۔ انہوں نے کہا کہ حکومت متاثرہ خاندانوں کی بازآبادکاری کے لیے پرعزم ہے اور اس عمل کو شفافیت اور مؤثر طریقے سے مکمل کیا جائے گا۔
ہندوستھان سماچار
---------------
ہندوستان سماچار / محمد اصغر
