پٹنہ، 30 اپریل (ہ س)۔ بہار بی جے پی ہیڈ کوارٹر انچارج سوریہ کمار شرما (اروند شرما) نے جمعرات کے روزبہار قانون ساز کونسل 2026 کے ضمنی انتخاب کے لئے پرچہ نامزدگی داخل کئے۔وزیر اعلیٰ سمراٹ چودھری، بی جے پی کے ریاستی صدر سنجے سراوگی، نائب وزرائے اعلیٰ بجیندر پرساد یادو، وجے کمار چودھری، سابق وزیر منگل پانڈے، سابق وزیر رام کرپال یادو، سنتوش کمار سمن، جے ڈی یو کے قومی کارگزار صدر سنجے کمار جھا، جے ڈی یو کے ریاستی صدر امیش سنگھ کشواہا، ریاستی صدر ایل جے پی راجو سنگھ ، آلوک کمار سنگھ، این ڈی اے کے کئی سینئر لیڈروں اور ایم ایل اے موجود تھے۔ پرچہ نامزدگی داخل کرنے سے پہلے بی جے پی ہیڈکوارٹر کے انچارج سوریہ کمار شرما (اروند شرما) نے ریاستی دفتر میں پنڈت دین دیال اپادھیائے اور کیلاش پتی مشرا کے مجسموں پرگلپوشی کر انہیں خراج عقیدت پیش کیا۔ انہوں نے وزیر اعظم نریندر مودی، وزیر داخلہ امت شاہ، قومی صدر نتن نوین، وزیر اعلیٰ سمراٹ چودھری، جے ڈی یو کے قومی صدر نتیش کمار، بی جے پی کے ریاستی صدر سنجے سراوگی اور تمام این ڈی اے اتحادیوں کی قومی قیادت کا انہیں بہار قانون ساز کونسل کے ضمنی انتخاب میں این ڈی اے کا امیدوار مقرر کرنے پر اظہار تشکر کیا۔ انہوں نے کہا کہ وہ ان پر کئے گئے اعتماد پر پورا اترنے کی کوشش کریں گے۔بی جے پی لیڈر اروند شرما نے بی جے پی کے پیشروؤں کو یاد کرتے ہوئے کہا کہ ان کی محنت سے بی جے پی دنیا کی سب سے بڑی پارٹی بن گئی ہے۔ انہوں نے بی جے پی کے تمام ریاستی عہدیداروں اور کارکنوں کا تعاون کے لئے شکریہ بھی ادا کیا۔ وہ جذباتی ہو گئے اور بی جے پی کی تعریف کرتے ہوئے کہا کہ اس کے کارکنان اس کا سب سے بڑا اثاثہ ہیں۔ انہوں نے کہا کہ پارٹی نے انہیں وہ سب کچھ دیا ہے جس کا وہ کبھی سوچ بھی نہیں سکتے تھے۔ انہوں نے ساری زندگی پارٹی کے لیے کارکن کی حیثیت سے کام کیا۔ہندوستھان سماچار

ہندوستان سماچار / Mohammad Afzal Hassan