نئی دہلی، 30 اپریل (ہ س)۔ دہلی کی وزیر اعلیٰ ریکھا گپتا نے جمعرات کو دوارکا واقعہ میں ہلاک ہونے والے پانڈو کمار کے سوگوار خاندان سے دہلی سکریٹریٹ میں ملاقات کی اور ہمدردی کا اظہار کیا۔

اپنے سوشل میڈیا اکاو¿نٹ ایکس پر ایک پوسٹ میں وزیر اعلیٰ نے کہا کہ ایک بیٹے کا بے وقت چلے جانا، ایک ایسا سانحہ ہے جسے الفاظ میں بیان نہیں کیا جا سکتا۔ انہوں نے مزید کہا کہ وہ اس مشکل وقت میں پورے خاندان کے ساتھ ہیں۔ دہلی حکومت انہیں ہر ممکن مدد فراہم کرے گی اور ذمہ داروں کے لیے سخت ترین سزا کو یقینی بنائے گی۔ یہ واقعہ ناقابل قبول ہے۔

وزیراعلیٰ نے مزید کہا کہ کیس کے ملزمان کو گرفتار کر لیا گیا ہے۔ بہار کے ایک بیٹے کے ساتھ پیش آئے اس واقعہ پر دہلی پولیس کے سینئر افسران کو واضح ہدایات دی ہیں کہ تحقیقات میں کوئی غفلت نہ ہو اور قصورواروں کو سخت سے سخت سزا ملے۔ انہوں نے کہا کہ ہر وہ شخص جو ملک کی ہر ریاست سے دہلی آیا ہے ،وہ دہلی والا ہے، ہمارا خاندان ہے۔ علاقائیت کی بنیاد پر تشدد اور جرائم کا ارتکاب کرنے والوں کو کسی قیمت پر بخشا نہیں جائے گا۔

قابل ذکر ہے کہ دوارکا ضلع کے جعفر پور کلاں تھانہ علاقے میں ہفتہ کی رات ہوئی فائرنگ میں پانڈو کمار کی موت ہوگئی تھی۔

ہندوستھان سماچار

ہندوستان سماچار / محمد شہزاد