جموں میں محکمہ تعلیم نے اسکولی اوقات کار میں تبدیلی کی

جموں، 29 اپریل (ہ س)۔ جموں میں ڈائریکٹوریٹ آف اسکول ایجوکیشن جموں نے گرمیوں کے موسم کے پیش نظر سمر زون کے تمام سرکاری اور تسلیم شدہ نجی اسکولوں (ہائر اسیکنڈری سطح تک) کے اوقات کار میں تبدیلی کا اعلان کیا ہے۔ جاری کردہ حکم نامے کے مطابق یکم مئی سے اسکول صبح 8 بجے سے دوپہر 2 بجے تک کھلے رہیں گے۔

نئے اوقات کار 30 ستمبر 2026 تک نافذ العمل رہیں گے۔ حکام کے مطابق یہ فیصلہ گرمی کی شدت کو مدنظر رکھتے ہوئے طلبہ و اساتذہ کی سہولت کے لیے لیا گیا ہے۔ جموں میں موسم گرما کے دوران درجہ حرارت بڑھنے سے اسکولوں میں دو ماہ کی تعطیلات کی جاتی ہیں۔

ہندوستھان سماچار

--------------

ہندوستان سماچار / محمد اصغر