جنوبی 24 پرگنہ، 29 اپریل (ہ س)۔ ضلع کے بسنتی اسمبلی حلقہ میں ووٹنگ کے دوران کشیدگی کی صورتحال پیدا ہوگئی۔ اطلاعات کے مطابق، بسنتی کے بوتھ نمبر 76 پر بی جے پی امیدوار وکاس سردار پر حملہ کیا گیا۔

بتایا جارہا ہے کہ جب وکاس سردار ایک بوتھ کا معائنہ کرنے پہنچے تو کچھ لوگوں نے انہیں گھیر کر حملہ کر دیا۔ حملے کے دوران ان کی گاڑی کی توڑ پھوڑ کی گئی۔ اس کے علاوہ، ان کے سیکورٹی کے پاس موجود وہ آتشیں اسلحہ چھیننے کی کوشش بھی کی گئی۔ اس واقعہ کے بعد علاقے میں افراتفری اور کشیدگی کا ماحول پیدا ہو گیا ۔

بی جے پی نے الزام لگایا ہے کہ جائے وقوعہ پر مرکزی فورسز کی موجودگی کے باوجود، انہوں نے وکاس سردار کو بچانے یا حالات پر قابو پانے میں کوئی فعال کردار ادا نہیں کیا۔ اس کے تئیں بی جے پی کارکنوں اور حامیوں میں بڑے پیمانے پر ناراضگی دیکھی جا رہی ہے۔

واقعے کے بعد پورے علاقے میں کشیدگی کا ماحول ہے اور اضافی پولیس فورس تعینات کرکے حالات کو قابو میں کرنے کی کوششیں جاری ہیں۔ انتظامیہ نے معاملے کی تحقیقات شروع کر دی ہے۔ پولنگ کے درمیان پیش آنے والے اس واقعہ نے بسنتی علاقے میں نظم ونسق اور سیکورٹی بندوبست پر سوالات کھڑے کر دیے ہیں۔

ہندوستھان سماچار

ہندوستان سماچار / محمد شہزاد